Keshe ghana taghayyndalghan Últtyq ekonomika ministri  últynyng tilin bilmeytin bolyp shyqty…

Timur Sýleymenov Parlament Mәjilisi otyrysynan song tilshilerge : «Mәskeude bes jyl boyy qyzmet etip, tughan tilimdi úmytyp qaldym. Biraq alty ay ishinde ýirenip alamyn», — dep qazaqtildi aqparat qúraldary jazyp jatyr. 

Búlay memlekettik tildi úmytyp qaldym, ana tilimdi bilmeymin dep esh qysylmay, saltanatty týrde mәlimdeytin ministr әlemde tek Qazaqstanda ghana bolady…  Parlamentte de, «Au, memlekettik tildi bilmey, qalay memleketting ministri bolasyn?» deytin bir deputat joq…

Mysaly, Ózbekstanda osylay «ózbek tilin úmytyp qaldym» degen ministr bola ma?  Qyrghyz elinde de bolmaydy. Taghy da ózbek pen qyrghyz «manqa qazaq» dep mazaqtasa, shyjbalaq qaghamyz… Búl parlament aldynda «Miymdy auystyrmasandar, qazaq tilin ýirene almaymyn» degen eks-syrtqy ister ministri Erlan Ydyrysovtan keyingi ekinshi oryndaghy mәlimdeu boldy.

«MEMLEKETTIK TILGE MIY JETPEGENDER QALAY MINISTR BOLADY?..  BIZDE MISYZ MINISTR, MISYZ ÁKIM, MISYZ DEPUTAT, MISYZ ShENEUNIKTER BOLUY ZANDYLYQ bolsa, onda BIZ QANDAY ELMIZ?»   http://www.qazaquni.kz/?p=7602   Memlekettik tildi bilmese de, Erlan Ydyrysovty  eki ret ministr qylyp, 20 jylda ózining jaqsy biletin tilindegi el Úlybritanigha ekinshi ret elshi  etip, zorgha qútylyp edik, endi mynau, taghy bir Resey tilinde sóileytin ministr keldi…  

Mәskeude 5 jyl túrghanda qazaq tilin úmytyp qalypty-mys. Au, ómir boyy Qazaqstanda túryp kele jatqan ózge últ ókilderi, nemis, ózbek, úighyr, sheshen, armyan, gruziyn, azerbayjan, kәristerding ministr emes…. qarapayym adamdarynyng ózi nege ana tilderin úmytyp qalmaydy, ministr myrza? Qyryq jasqa jaqyndaghan siz 5 jyl Reseyde túrsanyz, 35 jyl Qazaqstanda, otanynyzda túrdynyz ghoy… Sonda óz elinizdegi 35 jyl ózge eldegi 5 jylgha qaraghanda bosqa ótken be?  Osyny bir sәt oilanyp kórdiniz be? NEGE?

Bayaghyda shalghaydaghy Shardarada, Qyzylqúmda ósken mening bir Baqyt degen synyptasym  Reseyge ýsh jyldyq әskerge baryp kelip,  «chto takoy baursak?» dep «qazaqshany úmytyp qalyp»  oryssha sóilep jýrdi.  Qyrmangha baryp qalghanda kýrish tazalap jatqan aghayyndaryna oryssha shýldirley bastaghanda, Jarylqap degen kókemiz әke-sheshesinen týk qoymay sybap, dәu kýregimen qyrmandy ainaldyra qughanda әlgining «oybay, kóke, qoydym, endi oryssha sóilemeymin» degen jan dauysy qazaqsha shyghyp ketken edi…

Bizding memlekettik tilin bilmey memlekettik qyzmetker bolyp, lauazym iyelenip jýrgen ministrler, әkimder, deputattar, jalpy sheneunikterge 25 jyl  Resey tilinde sóileuge rúqsat berip qoyghan Elbasymyz da endi shiyrek ghasyrdan son, «Jetti endi!» dep jaqsylap qazaqsha sybap alsa, birden qazaqsha sayrap shygha keler edi barlyghy….

Ministrler memlekettik tilin úmytady, al biz «Arman, arman, arman-ay» degen әndi qashan úmytar ekenbiz…

P.S.  Timur Sýleymenov myrza, myna sizge arnalghan maqalany Resey tiline audaryp jazatynday Mәskeude jýrgen joqpyz, sondyqtan ministrliginizde qazaqsha biletin bireu bolsa,  audartyp alyp  oqyp, jauap beruinizdi súraymyn.  

Qazybek ISA

qazaquni.kz