Ontýstikter baqsha daqyldaryn ósiruden Orta Aziyanyӊ kóshbasshysy ekendigin dәleldedi, - dep habarlaydy Abay-aqparat. Mәselen, biyl Maqtaaraldyq dihandar 600 myӊ tonnadan astam qauyn-qarbyz jinaghan. 

Býkil respublikagha "Aq altyn óndiru zauyty" degen atpen tanylghan Maqtaaral audanynyӊ sharualary soӊghy 10 jylda qauyn-qarbyz ósirumen de tanymal bola bastady. Býginde maqtaaraldyq dihandar qauyn-qarbyz ósirudi sheber meӊgerip, baqsha daqyldarynyӊ eksportqa jaramdy neshe týrli sorttaryn jasap shygharuda.

Bir ghana mysal, maqtaaraldyq dihandar biyl 28 myӊ gektar jerden 610 myӊ tonna qauyn-qarbyz alsa, sonyӊ 450 myӊ tonnasyn shet el naryghyna shygharghan. Búl gektarynan 263 sentnerden ónim alyp, ótken jylmen salystyrghanda 25 sentnerge artyq qauyn-qarbyz jinaghan myrzashóldikter baqsha daqyldaryn ósiruden Orta Aziyanyӊ kóshbasshysy ekendigin dәleldeydi.

Maqtaaraldyӊ bau-baqsha ónimderinen kól-kósir paydany reseylik jәne belarusitik kәsipkerler de kórip otyr. Oӊtýstikten jetken qauyn-qarbyzdy osy teriskeydegi kórshiler Batys Europa memleketterine tasymaldaydy eken.

Mәselen, reseylik biznesmen Stanislav Kasparov: "Maqtaaraldy "Qauyn-qarbyzdyӊ Otany" dep sanaymyz. Búl jerdiӊ qauyn-qarbyzynyӊ dәmi erekshe tәtti. Sol sebepti, Mәskeu men Minsk qalalary osy jerdiӊ ónimine tapsyrys beredi. Biz osy jerden jetkizip túramyz", - deydi bir súhbatynda.

Ayta ketu kerek, Orta Aziyada Týrkimenstan, Tәjikstan jәne Ózbekstan elderi qauyn ósirumen ainalysady. Degenmen, "EurAziyalyq Ekonomikalyq Odaqtyӊ" arqasynda Maqtaaral audanynyӊ sharualary ónimderin Resey men Belorussiyagha oӊay eksporttap, kedendik mәselelerdiӊ bolmauynyӊ arqasynda shetelderge jol tartuda.

Búdan búryn da habarlanghanday, búghan deyingi oblys әkimi Beybit Atamqúlov óӊir halqyna bergen esebinde auylsharuashylyghy salasynda bolashaqta atqarylatyn júmystar jayly bylay degen edi: 

Ýshinshiden. Auylsharuashylyq salasyn damytu.

Búl salanyӊ potensialy óte ýlken.

Sondyqtan da, kelesi besjyldyqta búl salany damytugha erekshe kóӊil bólinetin bolady.

Auylsharuashylyq salasyn reformalaudyӊ basty bes baghytyn belgiledik.

Birinshi. Suarmaly jerlerdi úlghaytu. Memlekettik baghdarlama ayasynda aldaghy 5 jylda qarastyrylghan qarjynyӊ besten biri oblysqa bólinedi.

Nәtiyjesinde, bes jýz jiyrma bes (525 myӊ) myӊ gektar jerdiӊ su jýieleri jaqsarady.

Ekinshi. Fermerlerge beriletin tómen payyzdy nesie kólemin arttyru.

Biyl búl maqsatta "Maksimum" ortalyghy arqyly 10 mlrd. teӊge bólinedi.

Búl ótken jylmen salystyrghanda qyryq bes payyzgha (45%) ósip otyr.

Ýshinshi. Kooperativterge qarasty MTS-ter ashu.

Tórtinshi. Býgingi taӊda ghylymy negizsiz auylsharuashylyghy bәsekege qabiletti bola almaydy.

Sondyqtan, әrbir audanda Ghylymy konsulitasiyalyq qyzmet kórsetetin ortalyqtar ashylatyn bolady.

Besinshi. Árbir audannyӊ potensialy men klimatyna sәikes damudyӊ basym baghyttary aiqyndaldy.

Mәselen, tauly audandarda intensivti bau sharuashylyghy qolgha alynatyn bolady.

Biyl Qazyghúrt audanynda 1800 gektargha jaӊghaq, 300 gektargha alma baqtaryn egetin bolamyz.

Sonday-aq, Tóleby men Týlkibas audandarynda 1200 gektargha alma otyrghyzu qolgha alyndy.

Osy audandarda bau jәne ony qayta óӊdeu klasteri qúrylatyn bolady.

Tauly audandardyӊ taghy bir basym baghyty - sýt klasterin damytu.

Maqtaral audanynda maqta sharuashylyghyn qaytadan qolgha alamyz.

Ol ýshin maqtanyӊ egis alaӊyn úlghaytamyz. Al, ónimdiligin arttyru boyynsha - arnayy baghdarlama qabyldanady.

Býginde respublika boyynsha jylyjaylardyӊ 46 payyzy - Saryaghashta.

Saryghash - kókónis óndiretin naghyz "fabrikagha" ainaluy tiyis.

Ol ýshin biz eӊ aldymen, dihandargha ónimin syrtqa shygharu ýshin jaghday jasalu kerek.

Sol ýshin, biz Saryaghash audanynda Transporttyq-logistikalyq ortalyqtar qúrudy josparlap otyrmyz.

Búl - Elbasynyӊ tapsyrmasy.

Sonymen qatar, Shymkent pen Týrkistanda Transporttyq-logistikalyq ortalyqtary iske qosylady. 

Syrdyӊ boyynda 80 myӊ gektar jaӊa suarmaly jerler qosylady. Shardara, Otyrar audandary jәne Arys pen Týrkistanda jýgeri men kókónistiӊ jaӊa alqaptary iygeriledi. 

Sozaq, Bәidibek audandarynda mal sharuashylyghyn damytatyn bolamyz.

Týrkistan industrialdyq aimaghynda shúbat zauyty salynbaq. Búl - eksportqa baghyttalghan óndiris.

Týrkistan, Arys, Otyrar, Sozaqtan týie sýtin jinau punktteri ashylatyn bolady.

Qoy etin eksporttau boyynsha júmystar qayta qolgha alyndy. Jaqynda qoy etiniӊ alghashqy partiyasy Iran Respublikasyna joldanady.

Oӊtýstik Qazaqstan oblysynda 1991 jyly oblys boyynsha 163,4 myӊ tonna kókónis jinalsa, biylghy jyly 866 myӊ tonnagha, yaghny bes esege artyp otyr. Búl turaly Aymaqtyq kommunikasiyalar qyzmetinde "Tәuelsizdik jetistikteri" taqyrybynda ótken brifingte oblystyq auyl sharuashylyghy basqarmasynyӊ basshysy Serik Túrbekov mәlim etti. 

Onyӊ aituynsha, egin sharuashylyghy boyynsha jýrgizilgen jýieli әrtaraptandyrudyӊ arqasynda 1991 jylmen salystyrghanda mayly daqyldardyӊ egis kólemi 73 myӊ gektardan 80 myӊ gektargha, baqsha 49 myӊnan 59 myӊ gektargha, al kókónis 27 myӊ gektardan 40,4 myӊ gektargha, kartop 9 myӊ gektardan 15,3 myӊ gektargha artqan. Sonday-aq, egis kólemimen qatar alynghan ónim kólemi de artqan. Mәselen, 1991 jyly oblys boyynsha 163,4 myӊ tonna kókónis jinalsa, biylghy jyly 866 myӊ tonnagha, yaghny bes esege artyp otyr.

Brifingte mәlim bolghanday biylghy jyly ortasha eseppen - 470 myӊ tonna astyq jinalyp, týsimdiligi ortasha 22 sn/ga qúraghan. Al 1991 jyly astyqtyӊ týsimdiligi gektaryna 17,8 sentner bolghan. Oӊtýstik sharualary ózderiniӊ eӊbekqorlyghymen Qazaqstannyӊ Tәuelsizdik kezeӊindegi eӊ ýlken rekordtyq kórsetkishke qol jetkizip otyr.

"1999 jyldyӊ ayaghynda búrynghy 182 újymshar-keӊshar jәne memlekettik sharuashylyqtar bazasynda jeke menshikke negizdelgen 20 myӊnan astam auyl sharuashylyghy qúrylymdary payda boldy. Býgingi kýnge olardyӊ sany 70 myӊnan asty. Sonday-aq, memlekettiӊ auyl sharuashylyghy salasyn tikeley qoldauy men oblys әkimdigi tarapynan jýrgizilgen jýieli júmystyӊ nәtiyjesinde, 2010 jyldan beri mal sharuashylyghynyӊ ónim ýlesi 45%, al ósimdik sharuashylyghynyӊ ýlesi 55 % qúrady",-dedi basqarma basshysy.

Abay-aqparat