Qazaqstan Respublikasynyng Túnghysh Preziydenti

Núrsúltan Ábishúly Nazarbaevqa!

Bizding el bola alady aina ózgege,

Jýrgen joq kiyip halqyng jay kezdeme!

Júrtym kep tirelgende bir ótkelge,

Jasaysyng batyl sheshim qay kezde de!

Bir jyldyng nege kerek ar-berisi,

Ýnilu kerek shyghar mәnge kisi.

Azattyq Tuy qoldan mәngi týspey,

Qazaqtyng tolsa boldy malgha órisi!

Jiylghan armandastar búl mangha kil,

Tileui bolatúghyn jyldam qabyl!

Bir jyldyng ar-berisi sóz bolyp pa,

Úiyghan beybit ómir túrghanda búl!

Aqylyn tyndap ósken eskining kóp,

Tanydy Sizdi qazaq tekti úlym dep!

Bir jyldyng ar-berisi kimge kerek,

Túrsa әiteu boldy bizge Kósh dýrildep!..

Alypsyng ardaqtaghan júrt esimin,

Biteding qarasha ýiding myng tesigin!

Taghy eling otyr, mine, Sizdi qoldap,

Núreke, dúrys boldy búl sheshimin!

Synady Sizdi ómirding kileng óri,

Jýrek te Sizge bitken, jýrek edi!

Qoldaymyz Núrekendi bir auyzdan,

Dep jatyr qandastaryng Iledegi!

Sapardan kórip Pekiyn, Shanhaydaghy,

Qazaqtyng dýrkiredi qansha aimaghy!

Shәueshek shashu shashty quanghannan,

Kereyler kókpar tartty Altaydaghy!

Talapqa bolary haq say ertenin,

Elinnen joq-au, sirә, ayar terin!

Aytatyn shyghar ózi Dәuletkerey,

Sәlemin Sizge degen Bayólkenin!

Osy ghoy bolashaqqa kóz jetkeni,

Oraldy Arqanyng da tez kóktemi!

Qazaqtar bórkin atty Orystaghy,

Biyledi tuystaryng Ózbektegi...

Shashylghan jer betine andyzdalyp,

Biz shyghar elge pana jalghyz halyq!?

Nege erte qamdanbadym dep ishimnen,

Otyrmyn Bashmakovtan sәl qyzghanyp!

Aqyndyq jyljyp baram tórine men,

Jazugha esh haqym joq jenil ólen.

Sýrtting kep shekpeninning etegimen,

«Kósh-kósh!» dep kóz jasymdy eniregen!

Ishinde oilardyng bir jýzding de abat,

Qaqtyng sen bolashaqqa qyzghyn qanat.

Jol asham degening de qandastargha,

Jadyrap sala bergen bizding qabaq!

Kózin kep, ashyp eding sordan búlaq,

Jayqaldy Arqadaghy orman, qúraq!

Zanyna qandastardyng qol qoysanyz,

Ar qaray ketkeli túr jol danghyrap!

Otanyn deytin elge qúlpyrtam kep,

Ákimder jatqan shyghar júrtyn sәndep.

Erten-aq aghylady Arqagha kósh,

Soghady býkil jýrek Núrsúltan dep!

Jýkting de kóterding ghoy san auyryn,

Joq býgin erinshek qyz, narau úlyn.

Júrtym kep toltyrady saygýlikke,

Bos jatqan Soltýstikting bar auylyn!

Júrtyndy bolmaydy ghoy tyndamasan,

Halqysyz shyghyp edi er shyngha qashan?!

Joqtyghyn Túmaghamnyng bildirmey men,

Asyryp aibynyndy jyrgha qosam.

Ne oilar kelmes deysing basyna dәu,

Sol oilar bizdi baghyp, asyrady-au!

Biz Sizge rizamyz, dәn riza,

Aman jet Jambyl atang jasyna anau!!!

Astana. 26.02.2015

Abai. kz