Últtyq qauipsizdik komiytetine qarasty Shekara qyzmetining búrynghy diyrektory Núrlan Jolamanovqa (surette) qatysty sot isi jalghasuda. Sottyng kezekti otyrysyna kuәger retinde kelgen Shekara qyzmeti basqaramasynyng búrynghy bas qarjygeri Núrjan Qilybasov qily jayttardy jayyp saldy.

Qilybasovtyng sózine qaraghanda, ol Jolamanovpen búrynnan tanys-bilis kórinedi. «ÚQK Shekara qyzmeti basqaramasynyng bas qarjygeri qyzmetine taghayyndalghan kezimde men ózimdi Jolamanovqa qaryzdar adamday sezinip jýrdim, әri odan qyzmetimnen bir-aq kýnde qaghyp tastay ma dep ólerdey qorqatyn edim» dedi Qilybasov sottaghy kuәlik sózinde.

Jolamanovtan zәre-qúty qalmay qoryqqan Qilybasovtyng әri qarayghy әngimesine qúlaq týrsek, ol (Jolamanov) ne aitsa da búl (Qilybasov) búljytpay orynday bergen kórinedi.

- Birde, - deydi Qilybasov, -  general issapargha shyghatyn boldy da, men oghan 5 myng dollar berdim. 3 myng dollardy sonynan «kishi zalda» taghy da qolyna ústattym. «Búl 3 myng dollar Almatydaghy toqalymnyng júmysyna kerek» dedi ol.

Qilybasov ózining zansyz әreketterge barghanyna qynjyla otyryp: «Bәrin amaldyng joqtyghynan jasadym», - dep aqtalady.

Eks-qarjygerding sózderine sensek, general Núrlan Jolamanov barlyq kelisim-sharttardan ózine tiyesili «sybaghasyn» súrap, para alyp otyrghangha úqsaydy. «Biz qarjy mәselesin Jolamanovtyng ýiinde, ýiining keng aulasynda, kensedegi demalys bólmesinde kenesushi edik», - deydi generaldyng ilikidegi senimdi serigi.

Qilybasov sotta Jolamanovtyng minezining qiyndyghyn da jayyp saldy:

- General - ashushang adam. Shekara qyzmetindegilerdi tym qatty qysyp ústady. Olargha týn jarymyna deyin júmys istetip, keyde jeksenbi kýnderi de tynyshtyq bermeytin. Sonday qytymyr, mazasyzdyghymen qosa bәrimizge beting bar, jýzing bar demey boqtap-boralap, dóreki sóileytin.

Osylay dey kelip, Qilybasov general Jolamanovtyng tyqyr tayaghanda pәlening bәrin ainalasyna jauyp, ózi sudan taza, sýtten aq bolugha tyrysqanyn aitty.

- Birde ol jinalys ashyp, Shekaradaghy lauazymdy qyzmet iyelerine «Onbaghandar, sender kelensiz iske úrynghaly jýrsinder, bettering jaman, shetinnen úrysyndar!» dey bastady. Men sodan keyin jaghdaydy tez týsinip, búdan bylay onyng qoqan-loqqysyna tóze beruding mýmkin emestigin oiladym da, qarsy barlau mekemesine aryz jazdym jәne jasyryp qoyghan 24 million tengeni qazynagha qayta qúidym, - dep aghynan aqtaryldy Qilybasov sottaghy kuәlik sózinde.

Esterinizge sala keteyik, Shekara qyzmeti basqaramasynyng eks-diyrektory Núrlan Jolamanov byltyr qazan aiynda lauazymyn asyra paydalanyp, iri kólemde para aldy degen kýdikpen tútqyndalghan bolatyn. Jolamanovtyng «joldan tapqan» qarjysy 252 million degen sóz bar. Jolamanovtyng qasynda 2458-shi bólimshening komandiyri Qayrat Balmaghanbetov te otyr. Komandir qazir barlyq kinәsin moyyndauda. Al, Jolamanov bolsa, tergeuge alynyp, tútqyndaluyn sayasy tapsyrys dep zar qaghady.

- Men eshqanday qylmys jasaghan joqpyn. Mening osylay abaqtygha jabyluym úiymdasqan bir topqa kerek boldy. Mening basymdaghy hal – sayasy tapsyrys, - dep qaldy ol sot zalynan shyghyp, aidauda ketip bara jatqan kezinde baspasóz ókilderine qarap.

Rasynda, Jolamanovtyng basyndaghy ahual sayasy tapsyrys pa, әlde ol jasaghan qylmysy ýshin qamaugha alyndy ma? Búl súraqtardyng jauabyna әzirge jete almaymyz. Onyng ýstine, bizde adam taghdyryna qatysty qanday da bir jayttyng úshpaq-púshpaghyna jetu qiynnyng qiyny. Alayda, qyzmetin adal atqaryp, óz isin ghana biletin kiside bylayghy júrttyng sharuasy bola bermesi anyq. Qilybasov pәrmeni kýshti әldebir toptyng qysymymen qiystyryp sóiledi desek te, Jolamanovtyng joldan tayghanyn mýlde joqqa shyghara almaymyz. Ánsheyinde «jerimiz keng baytaq» degende keremetpiz. Sol keng baytaq jerimizding tynyshtyghy men qauipsizdigin qalt jibermey qorghaugha, kýzetuge tiyis túlghalarymyzdyng týrin qara. Jetibasty jalmauyz siyaqty ainalasyn tonap, úrlap, jalmandap toymay jýr. Biz, әriyne, aiyptaushy emespiz, biraq jolamanovtar qaytkende sot tarapynan naqty jazasyn aluy kerek.

Abai.kz