Bobomurod Abdullaevtyng advokaty Sergey Mayorov qúqyq qorghaushylargha 26 jeltoqsanda ózin ÚQK tergeushisi Aleksandr Veselovting shaqyrghanyn habarlaghan. "Tergeushi Bobomurodtyng ótinishi boyynsha kezdesip jatqanyn, onyng 16 jeltoqsanda advokat kómegine zәru emestigin aityp hat jazghanyn jetkizdi. Men eger Bobomurod 16 jeltoqsanda hat jazsa, nege on kýn ótkennen keyin meni shaqyryp jatsyndar dep súradym. Oghan Veselov tergeushilerding qoly bos bolmady dep jauap berdi", – degen Sergey Mayorov qúqyq qorghaushylargha.

Advokat Mayorov qorghaushysymen onasha qaldyruyn súraghan. Biraq ol qamaudaghy jurnalistpen onasha qala almaghan.

Advokat Sergey Mayorovtyng habarlauynsha, Bobomurod Abdullaev aryzynda memlekettik advokat Shahzoda Sharipovanyng qyzmetin paydalanghysy keletinin jazghan.

"Keyin auyzsha Bobomurod ózining menen nege bas tartqanyn týsindiruge tyrysty. Oghan Surat Ikramovtyng jazghan maqalasyn kórsetken. Onda mening Bobomurodpen birinshi kezdesuim jayynda aqparatty dúrys jetkizbegen. Qúqyq qorghaushynyng maqalasynda Bobomurod aiybyn jartylay moyyndaydy degen. Shyn mәninde ol barlyq baptar boyynsha aiybyn moyyndap otyr. Ol maqalany Salihtyng (Muhammad Salih – qughyndaghy tanymal oppozisiyalyq sayasatker, Ózbekstannyng Halyqtyq qozghalysy jetekshisi – Red.) talap etuimen jazghanyn. Bobomurod Salihtyng ótinishi boyynsha emes, talap etui boyynsha jazghan, – dep habarlaydy advokat Sergey Mayorov.

44 jastaghy tashkenttik tәuelsiz jurnalist Bobomurod Abdullaev biyl qyrkýiek aiynda tútqyndaldy. 1 qazannan beri qamauda otyr. Oghan "Konstitusiyalyq qúrylymdy búzyp, biylikti kýshpen tartyp almaq boldy" degen bap boyynsha qylmystyq is qozghalghan.

Abai.kz