بوبومۋرود ابدۋللاەۆتىڭ ادۆوكاتى سەرگەي مايوروۆ قۇقىق قورعاۋشىلارعا 26 جەلتوقساندا ءوزىن ۇقك تەرگەۋشىسى الەكساندر ۆەسەلوۆتىڭ شاقىرعانىن حابارلاعان. "تەرگەۋشى بوبومۋرودتىڭ ءوتىنىشى بويىنشا كەزدەسىپ جاتقانىن، ونىڭ 16 جەلتوقساندا ادۆوكات كومەگىنە ءزارۋ ەمەستىگىن ايتىپ حات جازعانىن جەتكىزدى. مەن ەگەر بوبومۋرود 16 جەلتوقساندا حات جازسا، نەگە ون كۇن وتكەننەن كەيىن مەنى شاقىرىپ جاتسىڭدار دەپ سۇرادىم. وعان ۆەسەلوۆ تەرگەۋشىلەردىڭ قولى بوس بولمادى دەپ جاۋاپ بەردى", – دەگەن سەرگەي مايوروۆ قۇقىق قورعاۋشىلارعا.

ادۆوكات مايوروۆ قورعاۋشىسىمەن وڭاشا قالدىرۋىن سۇراعان. بىراق ول قاماۋداعى جۋرناليستپەن وڭاشا قالا الماعان.

ادۆوكات سەرگەي مايوروۆتىڭ حابارلاۋىنشا، بوبومۋرود ابدۋللاەۆ ارىزىندا مەملەكەتتىك ادۆوكات شاحزودا شاريپوۆانىڭ قىزمەتىن پايدالانعىسى كەلەتىنىن جازعان.

"كەيىن اۋىزشا بوبومۋرود ءوزىنىڭ مەنەن نەگە باس تارتقانىن تۇسىندىرۋگە تىرىستى. وعان سۋرات يكراموۆتىڭ جازعان ماقالاسىن كورسەتكەن. وندا مەنىڭ بوبومۋرودپەن ءبىرىنشى كەزدەسۋىم جايىندا اقپاراتتى دۇرىس جەتكىزبەگەن. قۇقىق قورعاۋشىنىڭ ماقالاسىندا بوبومۋرود ايىبىن جارتىلاي مويىندايدى دەگەن. شىن مانىندە ول بارلىق باپتار بويىنشا ايىبىن مويىنداپ وتىر. ول ماقالانى ساليحتىڭ (مۋحامماد ساليح – قۋعىنداعى تانىمال وپپوزيتسيالىق ساياساتكەر، وزبەكستاننىڭ حالىقتىق قوزعالىسى جەتەكشىسى – رەد.) تالاپ ەتۋىمەن جازعانىن. بوبومۋرود ساليحتىڭ ءوتىنىشى بويىنشا ەمەس، تالاپ ەتۋى بويىنشا جازعان، – دەپ حابارلايدى ادۆوكات سەرگەي مايوروۆ.

44 جاستاعى تاشكەنتتىك تاۋەلسىز جۋرناليست بوبومۋرود ابدۋللاەۆ بيىل قىركۇيەك ايىندا تۇتقىندالدى. 1 قازاننان بەرى قاماۋدا وتىر. وعان "كونستيتۋتسيالىق قۇرىلىمدى بۇزىپ، بيلىكتى كۇشپەن تارتىپ الماق بولدى" دەگەن باپ بويىنشا قىلمىستىق ءىس قوزعالعان.

Abai.kz