Aqparatttyq tehnologiyalar әlemdi basqaryp otyr. Sondyqtan, biz de aqparattyq - kommunikasiyalyq tehnologiyalardy damytugha kýsh saluymyz kerek. Búl turaly jii aityluda. Elbasy da Halyqqa Joldauynda, «Sifrly Qazaqstan» memlekettik baghdarlamasynda da, BAQ ókilderimen kezdesuinde de búl taqyrypty nazardan tys qaldyrghan emes. "Biz sifrly tehnologiyany qoldanu arqyly qúrylatyn jana industriyalardy órkendetuge tiyispiz. Búl – manyzdy keshendi mindet. Elde 3D-printing, onlayn-sauda, mobilidi banking, sifrly qyzmet kórsetu sekildi densaulyq saqtau, bilim beru isinde qoldanylatyn jәne basqa da perspektivaly salalardy damytu kerek. Búl industriyalar qazirding ózinde damyghan elderding ekonomikalarynyng qúrylymyn ózgertip, dәstýrli salalargha jana sapa darytty", - degen edi  Núrsúltan Nazarbaev ózining Joldauynda.

Alayda, býgin Astanada bas qosqan jeke kәsipkerler otandyq IT ónimin jasaugha әldekimderding kedergi jasap jatqanyn algha tartyp, mәselege qogham nazaryn audartpaq niyette baspasóz konferensiyasyn ótkizdi.

Shetelde  bilim alghan  otandasymyz Quanysh Jaqsybaev oquyn ayaqtaghan son, elge kelip IT-tehnologiya ónimin jasaugha kirisedi. Osy maqsatpen 2016 jylghy mamyr aiynda  «UNNNITY Corporation» JShS tirkep, qyzmet etushi men tútynushy arasyn jalghaytyn onlayn-jýie jasaqtaugha kirisedi.

«Q.Jaqsybaevtyng búl jobasy Elbasynyng kýni keshe  2018 jyly 9 qantarda jasaghan mәlimdemesindegi «Qazaqstandyq industriya jana tehnologiyalardy engizude jalauger boluy kerek. Bizding ónerkәsipterge óndiris prosesterin sifrlandyru men zamanauy biznes-ýlgilerdi iygeru arqyly enbek ónimdiligin arttyru qajet» degen talappen ýndes edi»-deydi  úiymdastyrushylar.

Baspasóz konferensiyasyn úiymdastyrushylardyng aituynsha, Aqtóbe qalasynda tirkelgen kompaniya IT tehnologiyalyq otandyq ónimdi әzirleude tiyisti memlekettik organdar tarapynan qisynsyz kedergige tap boldy. Kompaniya jetkilikti qarjy kózin taba almaghandyqtan, últtyq «asar» әdisi men halyqaralyq tәjiriybege sýiene otyryp 2017 jyldan beri kraudfanding   jýiesi boyynsha halyq qarjysyn tartu arqyly jobany qarjylandyra bastaghan-dy. Kompaniyagha bas-ayaghy 3-4 ay ishinde 40 000-gha juyq azamat seriktes bolyp jәne ýleskerlik auqymy 21 memleketti qamtyghan júmys istelipti. Kompaniyanyng jeke seriktesteri jelilik marketing salasynda TMD aumaghynda búnday nәtiyje búryn-sondy bolmaghandyghyn algha tartady. «Kompaniya úsynghan mobildik  ónim - qazaqstandyq shaghyn jәne orta biznesti qoldaytyn, tútynushy men kәsipkerlik arasynda onlayn-baylanys ornatatyn elekrondyq baghdarlama retinde oilastyrylypty jәne elden milliardtap ketip jatqan qarjygha tosqauyl qoi ýlgisi bolar edi. Kerisinshe Qazaqstangha TMD-dan, shalghay shetelden aghylyp qarjy keler dep ýmittengen edik»-deydi Bastamashyl top belsendileri.

Alayda, 2017 jylghy 9 tamyz kýni Aqtóbe oblystyq memlekettik kirister jónindegi departamenti jas innovator Quanysh Jaqsybaevty  qarjylyq piramida úiymdastyrdy degen aiyppen qamaugha alghan.

Investorlar ózderining aqshasyn piramida qúrugha emes, otandyq IT tehnologiya ónimin jasaqtaugha júmsaghandaryn jәne kompaniya basshysyna taghylghan aiyppen kelispeytinderin aityp, Elbasyna Ýndeu joldamaq.

Zarina Ádilbek

Abai.kz