اقپاراتتتىق تەحنولوگيالار الەمدى باسقارىپ وتىر. سوندىقتان، ءبىز دە اقپاراتتىق - كوممۋنيكاتسيالىق تەحنولوگيالاردى دامىتۋعا كۇش سالۋىمىز كەرەك. بۇل تۋرالى ءجيى ايتىلۋدا. ەلباسى دا حالىققا جولداۋىندا، «تسيفرلى قازاقستان» مەملەكەتتىك باعدارلاماسىندا دا، باق وكىلدەرىمەن كەزدەسۋىندە دە بۇل تاقىرىپتى نازاردان تىس قالدىرعان ەمەس. ء"بىز تسيفرلى تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋگە ءتيىسپىز. بۇل – ماڭىزدى كەشەندى مىندەت. ەلدە 3D-پرينتينگ، ونلاين-ساۋدا، ءموبيلدى بانكينگ، تسيفرلى قىزمەت كورسەتۋ سەكىلدى دەنساۋلىق ساقتاۋ، ءبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك. بۇل يندۋستريالار قازىردىڭ وزىندە دامىعان ەلدەردىڭ ەكونوميكالارىنىڭ قۇرىلىمىن وزگەرتىپ، ءداستۇرلى سالالارعا جاڭا ساپا دارىتتى", - دەگەن ەدى  نۇرسۇلتان نازارباەۆ ءوزىنىڭ جولداۋىندا.

الايدا، بۇگىن استانادا باس قوسقان جەكە كاسىپكەرلەر وتاندىق ءىت ءونىمىن جاساۋعا الدەكىمدەردىڭ كەدەرگى جاساپ جاتقانىن العا تارتىپ، ماسەلەگە قوعام نازارىن اۋدارتپاق نيەتتە ءباسپاسوز كونفەرەنتسياسىن وتكىزدى.

شەتەلدە  بىلىم العان  وتانداسىمىز قۋانىش جاقسىباەۆ وقۋىن اياقتاعان سوڭ، ەلگە كەلىپ ءىت-تەحنولوگيا ءونىمىن جاساۋعا كىرىسەدى. وسى ماقساتپەن 2016 جىلعى مامىر ايىندا  «UNNNITY Corporation» جشس تىركەپ، قىزمەت ەتۋشى مەن تۇتىنۋشى اراسىن جالعايتىن ونلاين-جۇيە جاساقتاۋعا كىرىسەدى.

«ق.جاقسىباەۆتىڭ بۇل جوباسى ەلباسىنىڭ كۇنى كەشە  2018 جىلى 9 قاڭتاردا جاساعان مالىمدەمەسىندەگى «قازاقستاندىق يندۋستريا جاڭا تەحنولوگيالاردى ەنگىزۋدە جالاۋگەر بولۋى كەرەك. ءبىزدىڭ ونەركاسىپتەرگە ءوندىرىس پروتسەستەرىن تسيفرلاندىرۋ مەن زاماناۋي بيزنەس-ۇلگىلەردى يگەرۋ ارقىلى ەڭبەك ونىمدىلىگىن ارتتىرۋ قاجەت» دەگەن تالاپپەن ۇندەس ەدى»-دەيدى  ۇيىمداستىرۋشىلار.

ءباسپاسوز كونفەرەنتسياسىن ۇيىمداستىرۋشىلاردىڭ ايتۋىنشا، اقتوبە قالاسىندا تىركەلگەن كومپانيا ءىت تەحنولوگيالىق وتاندىق ءونىمدى ازىرلەۋدە ءتيىستى مەملەكەتتىك ورگاندار تاراپىنان قيسىنسىز كەدەرگىگە تاپ بولدى. كومپانيا جەتكىلىكتى قارجى كوزىن تابا الماعاندىقتان، ۇلتتىق «اسار» ءادىسى مەن حالىقارالىق تاجىريبەگە سۇيەنە وتىرىپ 2017 جىلدان بەرى كراۋدفاندينگ   جۇيەسى بويىنشا حالىق قارجىسىن تارتۋ ارقىلى جوبانى قارجىلاندىرا باستاعان-دى. كومپانياعا باس-اياعى 3-4 اي ىشىندە 40 000-عا جۋىق ازامات سەرىكتەس بولىپ جانە ۇلەسكەرلىك اۋقىمى 21 مەملەكەتتى قامتىعان جۇمىس ىستەلىپتى. كومپانيانىڭ جەكە سەرىكتەستەرى جەلىلىك ماركەتينگ سالاسىندا تمد اۋماعىندا بۇنداي ناتيجە بۇرىن-سوڭدى بولماعاندىعىن العا تارتادى. «كومپانيا ۇسىنعان موبيلدىك  ءونىم - قازاقستاندىق شاعىن جانە ورتا بيزنەستى قولدايتىن، تۇتىنۋشى مەن كاسىپكەرلىك اراسىندا ونلاين-بايلانىس ورناتاتىن ەلەكروندىق باعدارلاما رەتىندە ويلاستىرىلىپتى جانە ەلدەن ميللياردتاپ كەتىپ جاتقان قارجىعا توسقاۋىل قويۋ ۇلگىسى بولار ەدى. كەرىسىنشە قازاقستانعا تمد-دان، شالعاي شەتەلدەن اعىلىپ قارجى كەلەر دەپ ۇمىتتەنگەن ەدىك»-دەيدى باستاماشىل توپ بەلسەندىلەرى.

الايدا، 2017 جىلعى 9 تامىز كۇنى اقتوبە وبلىستىق مەملەكەتتىك كىرىستەر جونىندەگى دەپارتامەنتى جاس يننوۆاتور قۋانىش جاقسىباەۆتى  قارجىلىق پيراميدا ۇيىمداستىردى دەگەن ايىپپەن قاماۋعا العان.

ينۆەستورلار وزدەرىنىڭ اقشاسىن پيراميدا قۇرۋعا ەمەس، وتاندىق ءىت تەحنولوگيا ءونىمىن جاساقتاۋعا جۇمساعاندارىن جانە كومپانيا باسشىسىنا تاعىلعان ايىپپەن كەلىسپەيتىندەرىن ايتىپ، ەلباسىنا ۇندەۋ جولداماق.

زارينا ادىلبەك

Abai.kz