Osy kýnge deyin esimi eskerusiz kele jatqan, Shyghys shayyrlaryn oqyp, kórkem tilmen qazaqsha audaryp, nasihattaghan aqyn Shóbekov Serdaly Myrzalyúly jayynda tanystyra ketudi paryz sanadyq. Aytylyp otyrghan túlgha jayynda búryn arnayy birde-bir zertteu jýrgizilmegen, jeke basyna arnalghan birde-bir maqala jazylmaghan.

Osy kýnge deyin esimi eskerusiz kele jatqan, Shyghys shayyrlaryn oqyp, kórkem tilmen qazaqsha audaryp, nasihattaghan aqyn Shóbekov Serdaly Myrzalyúly jayynda tanystyra ketudi paryz sanadyq. Aytylyp otyrghan túlgha jayynda búryn arnayy birde-bir zertteu jýrgizilmegen, jeke basyna arnalghan birde-bir maqala jazylmaghan.
Serdaly Myrzalyúly (HIH gh.) búrynghy Kókshetau uezi, Mezgil bolysynda dýniyege kelgen. Qazirgi Soltýstik Qazaqstan oblysy, Ayyrtau audanynyng jeri. Ziraty belgisiz. Biraq qazaq dәstýri boyynsha mәiitti tughan jerine nemese atalary jatqan jerge qoyghan. Ony aityp otyrghan sebebim, Serdaly Ayyrtau audanyndaghy Kishi Qoskól degen jerde tusa kerek. Al atalary, onyng ishinde Baysarynyng molasy osy audandaghy Karasevka auylyndaghy Aqtóbe dep atalatyn jerde jatyr. Auyl aumaghynda jәne Serdalynyng ýlken úly Mәmbetәlining de ziraty ornalasqan. Bir jyldary tipti osy zirattardyng ýstinde geologiyalyq qazba júmystary jýrgizilip, elding aituynsha, sol jerden bas sýiekter tabylypty. Molalarda esh belgi joq. Yaghny búdan qorytatynymyz, aqynnyng ziraty Kishi Qoskólde nemese Karasevka auyly manynda. Ol óz zamanyna say kózi ashyq, parsy-arab tilderinen habary bar, qissa-jyrlardy kóp oqyghan, ataqty aqyndarmen pikirles bolghan, aimaghyna aty shyqqan bay bolypty. Shyqqan tegi - arghynnyng jeti momynyna jatatyn qarauyl, onyng ishinde esenbay-shúnghyrshasy. Atalary Baysary men Shóbek - elge tanymal, biylikke aralasqan adamdar eken. Han ordasymen de qarym-qatynasta bolghan. Mysalgha Sәbit Múqanovtyng "Aqqan júldyz" romanynda: "Baysary da, Shóbek te Ayghanymmen dos-jar eken. Olar jaz - bir, kýz - bir, qys - bir ýiine qonaqqa shaqyryp, sybaghasyn jegizedi eken". Búl jerdegi Ayghanym - Orta jýzding songhy hany Uәly hannyng jary, yaghny hanshayym, Shoqannyng tughan әjesi. Shóbek talay ret bolys, by bolyp, horunjy ataghyn alghan. 1855 jyly I Nikolaydyng azasyna, II Aleksandrdyng taqqa otyru rәsimine shaqyrylghan 8 sibirlik qazaqtyng biri. Myrzalynyng alty úly bolghan: ýlken úly - Serdaly, odan keyingileri - Seraly, Bayaly, Janaly, Múqanәli, Núraly. Myrzalynyng atalghan úrpaqtary da el basqarugha aralasqan, әsirese Janalysy men Bayalysy. Serdalynyng Mәmbetәli, Abdol, Jәmshiyt, Paridon degen úldary bolghan.
Tortay Saduaqasovtyng "El men Jer" atty derekti kitabynda mynaday mәlimet keltiriledi: "Mәmbetәli Burabay tóniregindegi Baghys ishinde Áytimbet atasyna jatatyn ataqty Qojaghúl biyding jiyeni", - delinedi, yaghny Serdaly Qojaghúl biyding tughan kýieu balasy bolyp shyghady.
Biz materialdar jinau barysynda birneshe qiyndyqtargha tap boldyq, jogharyda aityp ketkenimizdey: birinshiden, birden-bir zertteu júmysynyng jýrgizilmegendigi, ekinshiden, tikeley arhiv qújattarynyng joqtyghy. Biraq qolymyzda qazir Serdalynyng "Qissa-y Rýstem" atty enbegi, birneshe janama derekter, sonan song keybir enbekterding ishinde aitylyp otyrghan túlghamyzgha baylanysty kezdesetin oilar men tújyrymdar, estelikter bar. Bizder izdenisimizdi aldymen búrynghy 12 tomdyq "Qazaq Sovet ensiklopediyasynan" bastap edik, biraq ózimiz de oilaghanday onyng esimi enbekke enbepti. Ensiklopediyanyng toghyzynshy tomyndaghy "Rýstem-dastan" atty maqaladan mynanday sóilemdi bayqaymyz: "Shahnamanyn" keybir taraulary revolusiyadan búryn da Oraz moldanyn, Serdalynyn, Múhametjan Seralinnin, Jýsipbek Qoja Shayhyislamovtyng audaruymen jaryq kórgen bolatyn", - degen jalghyz jol kezdesedi. Biraq ol Serdaly jayynda kishkene de bolsyn bilgisi kelgen oqyrmannyng súranysyn qanaghattandyrmaytyndyghy anyq. Ol qashan tudy, qay jerding tumasy, qanday enbekteri bar degen súraqtargha jauap tabu qiyn. Al, endi ensiklopediyadaghy "Rýstem-dastan" Oraz moldadan keyin, keltirilip jazylghan, bizderding bayqauymyzsha, ret-retimen jazylyp otyrghan avtorlardyng attary hronologiyalyq tizbekpen jazylghan. Odan Serdaly qazaq topyraghynda qyzylordalyq Oraz moldadan keyin ekinshi bolyp Firdousiyding ataqty "Shahnamasyn" audarghan aqyn bolyp shyghady. Búl jayynda "Qazaq әdebiyetining tarihynyn" ekinshi tomynyng ekinshi kitabynda bylay delinedi: "Orazdan 50-60 jyldan keyin, yaghny HIH ghasyrdyng songhy kezinde búl әigili shygharmanyng ("Shahnamanyn" - S.B.) qazaq topyraghynda ekinshi audarmasy jasaldy. Múny jazghan Kókshetau tónireginde tughan belgili aqyn Serdaly Myrzalyúly". Dәl osy jerde birneshe mәseleler tuyndaydy. Eng birinshi, Oraz molda degen kim? Qay dәuirde ómir sýrdi? "Shahnamany" qalay audardy? Búl súraqtar jәne Serdalygha da baylanysty. Sonymen "Qazaq Sovet ensiklopediyasy" ne deydi: "Molda Oraz (Oraz molda) Jýsipúly (1814, qazirgi Qyzylorda obl., Syrdariya aud., -1868, sonda, Qatykól) - qazaq aqyny, "Shahnamany" parsy tilinen qazaq tiline birinshi audarushy", - dey kelip, - "aqynnyng óz shygharmalary men "Shahnamadan" audarmasy baspa betinde jaryq kórmegen. "Shahnamadan" audarmasy (qoljazba) 1934 j. tabyldy. Qazir QazSSR GhA-nyng Ortalyq ghylymy kitaphanasynda (papka №1187) saqtauly...". Osy jerde "Qazaq әdebiyetining tarihyna" kónil bólip qarasaq: "HVIII ghasyr men HIH ghasyr arasynda ómir sýrgen Oraz aqyn - "Shahnamanyn" alghashqy audarushysy.
...Aqynnyng (Oraz molda - S.B.) búl enbegi ólenmen emes, bastan-ayaq prozamen jazylghan. Degenmen de onyng aqyndyq arshynyn anghartar ara-túra bәiit óleng joldary kezdesedi. Shygharma tili - negizinen shaghataysha. Tәlim-tәrbiyeni arab, parsy, týrik tilindegi kitaptardan alghandyqtan jәne qazaqta baspahana joq bolghandyqtan, onyng ýstine kitap qylyp bastyrudy niyet etken Oraz aqyn, búl enbegin óz ana tili - qazaq tilinde jazbay, shaghataysha jazyp shyqqan", - dep keledi. Keltirilgen eki mәlimette bayqap otyrghanday, birneshe sәikessizdikterdi bayqaugha bolady. Birinshisi, shygharma ensiklopediyada aitylghanday qazaq tilinde emes, shaghatay tilinde jәne ólenmen emes, prozamen, yaghny qara sózben jazylghan jәne baspa bolyp shyqpaghan. Al endi "Qazaq әdebiyetining tarihynan" ensiklopediyadaghy mәlimet naqtyraq, yaghny Oraz molda - HVIII ghasyrda ómir sýrmegen, HIH ghasyrdyng (1814-1868) aqyny. Oraz aqynnyng enbegi shaghataysha jazylghandyghy turasynda "Qazaq әdebiyetining tarihynan" alyp mynaday dәlel úsynsaq: "Qoljazbanyng kirispe bóliminde keremet isti atqarugha qol úryp, bel baylap otyrghanyn aqyn bylaysha bildiredi: "Bu debochany qolidan kelgansha turky labsiga algani, oqighan ua biraulardan dúgha-ghayyr umit qiylghani, kәraganda nәpsy aurasy bolgani, múndagh kәttә ishka qol urgan molla Oraz Múhammed ghariyb", - dep keledi. Jappas ruynan shyqqan Ótkelbay degen kisining aituynsha, aqyn óz enbegine 54 jasynda kirisken eken. Ol degenimiz - 1868 jylgha sayma-say, ózderiniz de bayqaghandarynyzday, jogharydaghy mәlimette kórsetilgendey, Oraz molda dәl osy jyly qaytqan, sonda aqyn kólemdi (450 bet) poemany bir jylda, tipti mýmkin birneshe aida jazyp tastady ma degen oy tuyndaydy nemese keltirilgen mәlimetter qate. Múhametjan Seralinning "Ayqap" jurnalynda "Shahnamanyn" "Rýstem-Zorab" bólimin orysshadan audaryp shygharghanda, ózi jazghan alghy sózinde ("Sóz basy") mynaday mәlimet keltiriledi: "Múnan jiyrma-jiyrma bes jyl búryn Aqmeshit (Perovskiy) shaharynda Molda Oraz degen bir nayman "Shahnamany" qazaqshagha audarghan eken. Baspa bolyp shyqqan-shyqpaghanyn bile almadym", - deydi. Múhametjan Seralin de Oraz moldanyng tuyndysy baspa bolyp shyqqan-shyqpaghanyn bilmeydi. Biraq Á.Qonyratbaevtyng "Qazaqtyng "Qozy-Kórpesh" jyry turaly" atty kitabynyng sonynda bibliografiyalyq tizimde qyzyqty siltemeler keltiredi. Onda: "107. Serdaly aqyn. Qissa Rýstem dastan. Qazan. 1888", "112. Oraz molda. Shah-Nama. Tashkent. 1886", - dep kórsetedi. Al endi M.Seralinning "jiyrma-jiyrma bes jyl búryn" degen jerine oralsaq, "Rýstem-Zorab" "Qazaq әdebiyetining tarihy" kitabynda kórsetilgendey, "Ayqap" jurnalynda 1914, 1915 jyldary (1914, №22, 23, 24; 1915 №2, 3, 4,5,9) basylghan delinedi. Bizding qolymyzda - "Ayqaptyn" jinaghy. Onda M.Seralinning audarmasy 1913 jylghy bóliminde keltirilgen. Mәsele bir-eki jylda emes, bayqaghanymyzday, M.Seralin "jiyrma-jiyrma bes" dep tek shartty týrde ghana alyp otyr, ol tipti otyz jyl búryn da boluy mýmkin. Biraq sonyng ózinde Oraz moldanyng audarmasy sekseninshi jyldardan ary aspaydy. Bizding oiymyzsha, Á.Qonyratbaevtyng bibliografiyalyq tiziminde keltirilgen mәlimetter shyndyq bolsa, onda M.Seralinning Oraz moldanyng enbegi turaly estigeni Tashkentte basylyp shyqqan kitaby bolsa kerek, sebebi kórsetilgen jyldar soghan sayady. Biraq ashyp kórsetkenimizdey, ghalymdardyng deni Oraz aqynnyng tuyndysy baspa bolyp shyqqan joq degendi qúptap otyr. Serdalygha keletin bolsaq, "Qazaqtyng "Qozy-Kórpesh" jyry turaly" kitabynda keltirilgen tizimde onyng (Serdalynyng - S.B.) enbegi "Qissa Rýstem-dastan" delinipti jәne de 1888 jyly shyqqan dep kórsetui oilanarlyq jayt. Bizding payymdauymyzsha, Á.Qonyratbaev ne qatelesedi, ne Serdalynyng dastany eki ret baspalanghan. Yaghny alghashqy aty bibliografiyalyq tizimdegidey. Biraq múny shyndyq dep tolyq aita almaymyz, sebebi "Qissa-y Rýstem" jyrynyng songhy betterinde mynaday joldar kezdesedi:

...Alla bú Rýstem tәmam boldy,
Bizdey gharip janmenen әlem toldy.
Bir myng ýsh jýz on segiz hijriada,
Jetinshi noyabrida tamam boldy, - deydi. Sonan song eng songhy sóilemderinde taghy da:
Bir myng ýsh jýz on segiz hijriada
Jamaghat tәmam boldy mine sózim, - dep qissa ayaqtalady. 1318 jyl miladigha auystyrghanda 1899 (1901) jylgha keledi. Sondyqtan avtor óz enbegin jazbay túryp 1888 jyly baspadan shyghuy mýmkin emes, al qatelesip keltirilgen dastan attary men jyl da el arasyndaghy bir anyzgha sýienip, jazylyp ketse kerek.
Qaytkenmen de, Oraz molda Jýsipúly jayynda әli de tolyq, arnayy zertteulerdi qajet etetin siyaqty. Jogharyda keltirilgen tandaulardan qorytatynymyz: birinshi, "Shahnamanyn" túnghysh degen audarmasy qazaq tilinde emes, ekinshiden, óleng týrinde emes, ol prozamen jazylghan, ýshinshiden, baspa bolyp jariyalanbaghan. Á.Qonyratbaevtyng bibliografiyalyq tizimindegi mәlimet dәlelin tappasa da, bolashaqta ashyla jatar degen ýmittemiz. Serdalynyng audarmasyna kónil bólsek, birinshiden, ol qazaq tilinde jazghan, ekinshiden, óleng týrinde, ýshinshiden, baspa bolyp shyqqan. Biraq Oraz moldadan bir aiyrmashylyghy, aqyn týgel "Shahnamany" emes, ol poema ishindegi "Rýstem dastanyn" ghana audarghan. Sondyqtan da Serdalyny әlem klassikasyna ainalghan "Shahnamany" (tolyq bolmasa da) óleng týrinde qazaq tiline túnghysh audarushy desek te bolatyn siyaqty. Osy jerde biz bir mәselening betin ashyp ketkendi jón kórip otyrmyz. Qazaq saharasynda "Shahnama" poemasy búrynnan belgili bolghany jәne keybir aqyndar jatqa aitqandyghyn kóptegen derekter dәleldep otyr. Mysalgha "Tragediya y prozreniye" degen kitaptaghy "Ybyray Sandybaev (1858-1930)" degen qazaq tilinde berilgen maqalada mynaday mәlimet kezdesedi: "Ybyraydyng әkesining aghasy Ábile diny oqudy kóp oqyghan, sózge jýirik sheshen, әri oishy sheber bolghan. Ol óz dәuirinde shyghystyng klassik aqyn-jyrshylarynyng shygharmalaryn, "Shahnama" siyaqty epostaryn jatqa bilgen", - deydi. Búl tek bir mysal ghana, al qazaq saharasynda talay "Shahnamanyn" jyrshysy tabylatyn siyaqty. Sondyqtan da Oraz moldany da, Serdalyny da birinshi audarmashylary emes, al qaghaz betine alghashqy týsirushiler, bir jýiege keltirushiler retinde olardan búrynghylargha qiyanat jasamay, osylay qabyldaghanymyz dúrys bolar. Serdalynyng ózi "Qissa-y Rýsteminde" bylay deydi:
Azghanbaydan jazghanmyn eki jylday,
Jazushy em kýni-týni damyl tappay, - degenine qarap oy týietin bolsaq, aqyn dastanda Azghanbay degen adamnan estip, óleng týrinde jazyp shyqqan kórinedi. Osy jerde jәne qorytatynymyz, Serdaly qissany týpnúsqadan emes, bireuding auzynan estip, qaghaz betine týsirse kerek. Biraq jazyp shyqqan tuyndysynyng ózi altyn qorymyzdan kórnekti oryn alyp, әdebiyetimizge ýlken ýles qosyp, zor enbek sinirgeni - bizder ýshin maqtanysh.
Endigi kezekte aqynnyng shygharmashylyghyna toqtala ketsek. Eng birinshi "Men Aqan serini kórdim" degen derekti maqalagha kónil bólsek, onyng avtory - Serdalynyng tughan qúda balasy Hamit Tileubaev. Biz esteliginde Serdalygha baylanysty jerlerdi tolyq keltirip ketudi jón kórip otyrmyz. Sebebi jogharyda aitqanymyzday, aqyngha baylanysty mәlimetter joqtyng qasy, sondyqtan birden-bir qolda bar deregimiz - osy. Onda bylay delinedi: "Aqan ómirimen habardar boluymnyng taghy da bir sebebi, mening ýlken apamdy Qarauyl ishinde Serdalynyng úly Jәmshitke úzatty. Al Serdaly (Myrzalynyng ýlken balasy) Aqanmen tústas, әri qonystas, zamanynda bilikti, qissa-jyrlar jazyp, "Shahnamany" audarghan adam. "Salsal" men "Zarqúmdy" audaryp, Qazan baspasyna jibergende, olardy Mәulikey deytin bireu paydalanyp ketse kerek. Sodan keyin Serdaly "Rýstem Dastandy" qolgha alady. Búl jyrdy bastarynda ol bylay deydi:

Jәrdem ber til, jaghyma bir Qúdayym,
Shattyq ber, eki dýnie qylma uayym,
Jamighat, qúlaq salyp tyndasanyz
Hikayat Rýstemnen sóz qylayyn.
Búryn jazdym "Zarqúmday" asyl zatty,
Olardy júrt estip, dәmin tatty.
Búl ólenim Qazanda baspa bolyp,
Shyghypty bir Mәulikey degen atty, - dep kelip, aqynnyng balalary jayynda aityp ketedi. Búl jerde bizge belgilisi "Shahnamany" audarghany, al endi Serdalynyng basqa da enbekteri bar ekendigi qyzyqtyratyn jayt jәne ol tuyndylaryn basqa bireu iyelenip ketkendigi jayynda ýzindide anyq bayqalyp, basqa bir mәseleni tudyryp otyr.
Sonymen Hamit Tileubaevtyng aituynsha, aqyn "Salsal" men "Zarqúmdy" audarghan kórinedi, búghan qaraghanda Serdaly qazaq әdebiyetinde ózindik orny bar aqyn dep aitsaq, qatelespeytin shygharmyz. Biraq anyq baghasyn halyqtyng ózi bere jatar. Jogharyda aitylghan Mәulikey degen kim? Búl súraqqa Áben Satybaldiyev bylay jauap beredi: "Mәulikey (nemese Mýlkәi) Yumashikov - qazaqtyng әdeby múralaryn jinap-terip bastyryp shygharugha kóp enbek sinirgen adam. Biz onyng qolymen ótken ghasyrdyng jetpisinshi jyldarynan bastap, revolusiya túsyna deyin qazaq tilindegi qyryqqa juyq qissalardyng Qazanda basylyp shyqqanyn bilemiz. Mәselen halyq arasyna kóp taraghan ataqty "Darigha qyz", "Tamimdar", "Júm-júma", "Sal-sal", "Seyt-Battalghazy", "Taqaba", "Qarabek", "Nausharban" degen qissalar osy Mәuliykәiding qolymen shyqqan. Osylardyng kóbinde ol ólenmen kirispe jazyp, ózi turaly nemese búl qissany qalay tapqandyghy turaly mәlimetter beredi, keyde "dýnie jalghan" jayyn tolghap, diny uaghyzdargha da týsip ketedi, - dey kele "Sal-sal" jayynda, - "Al "Sal-sal" deytin qissanyng kirispesinde Mәuliykәy ózining búl qissany izdep úzaq sapar shekkenin, әueli Tumenige baryp, odan taba almaghan son, parohodpen on bes kýn jýrip, Omskige kelgenin bayandaydy. Taghy da bir jerinde ol Taseke deytin bireuding ýiinde qonyp jatyp, qissany bir aqynnyng auzynan jazyp alghandyghyn aitady. Biraq ol aqynnyng aty-jóni kim ekenin aitpaghan", - deydi. Bayqap otyrghanymyzday, Mәulikey degenimiz - qazaq saharasynda jýrip, kóptegen jyr-dastandardy jinap, qaghaz betine týsirip, kitap qylyp shygharyp, qazaq әdebiyetine enbegin sinirgen foliklorist eken. Biraq "tura biyde tughan joq" demekshi, bizder "Sal-Sal" men "Zarqúmdy" (Mәulikeyding qyryqqa juyq shygharghan qissalarynyng ishinde "Zarqúm" da bar) tól iyesine qaytarudy maqsat tútqandyqtan, keybir jayttardy ashuymyzgha tura keledi. Serdaly óz dastanynda enbegining basqa bireuding esimimen shyqqanyna keyip:

Men jazdym dep qissagha qol qoyypty,
Bir Mәulikey degen eser noghay,
Búl Rýstem Zarqúmday Qazan barsa,
Salsal men ekeui baspalansa
Noghay sózi ólenge kelmeydi
Tili bóten shyghady migha salsa.
Keltirilgen ýzindide aqyn "Rýstem" men "Sal-Saldy" baspagha jibermekshi, bizderge belgilidey Mәulikey "Zarqúm" men "Sal-Saldy" birge qosa jazyp әketken (tómendegi ýzindige nazar audarsanyz), sonda aqyn ne sebepten "Rýstemmen" birge "Sal-Saldy" jibermekshi degen oy tuady. Bizding oiymyzsha, Serdalydan Mәulikey "Sal-Saldy" Ayyrtauda jatyp, ózi qaghaz betine týsirgen, sonan song qalada kitap qylyp shygharghan. Al aqynnyng jәne qoljazbasy bar emes pe? Minekey, Serdaly qolynda qalghan qoljazbany Qazangha "Rýstemmen" qosa jibermekshi. Serdaly jyrda bylay deydi:

Ozar bolsa taghy da baspagha ener,
Naghylyp óleng qylmay jasyrayyn.
Yaghni, aqyn "taghy da" dep "Sal-Sal" jayynda aityp otyrghan sekildi, sebebi, "Rýstem dastan" búryn jariyalanbaghan. Búdan qorytatynymyz, Serdaly "Sal-sal" jariyalanghanymen de, óz atynan qayta jiberse kerek.
Al "Sal-Sal" jayynda Mәulikey qissany kóp izdep Tumenge barghandyghyn, sonynan Omskige kelip, Taseke deytin adamnyng ýiinde jatyp, bir aqynnan qissany jazyp alghandyghyn bayan etedi. Biraq ta aqynnyng esimin jazbapty. Serdalynyng dastanyna ýnilsek:

Mәulikey bay búnda ýsh jyl túrghan,
Óleng qylghan Zarqúmdy, sonda kórgen.
Shu men Tobyl, Troisk bәrin qydyryp,
"Zarqúm" men "Salsaldy" baspa qylghan.
Búl ólenge Serdaly basayyn atyn,
Kórinsin tyndaghangha jaqsy zatyn.
Mәulikeyding aruaghyn bir qashyrdym,
Rýstemning endi jazayyn hikayatyn, - deydi. Yaghny Serdaly da Mәulikeyding kóp jerdi aralap, sonynda "Zarqúm" men "Sal-Saldy" sodan jazyp әketkenge úqsaydy. Omsk nemese Omby qalasy Aqmolanyng (1895-1918), Sibir kazak әskerining (1808-1917), Batys Sibir (1824-82) jәne Dala general-gubernatorlyghynyng әkimshilik ortalyghy bolghany belgili. Serdaly eli osy aimaqtarda ornalasqan. Sondyqtan da Omsk dep tek qalanyng aty emes, sonymen qatar oghan qaraghan jerlerdi de solay ataghan. Mәulekey Omsk dep qalany emes, soghan qaraghan aimaqty yaghny qazirgi Ayyrtau jerlerin atap, al sol "esimsiz" aqyn Serdaly boluy әbden mýmkin. Sodan keyin Serdaly "Rýstem dastandy" audaryp, 1901 jyly Qazanda "Qissa-y Rýstem" degen atpen bastyryp shygharady. Serdaly enbegining kirispesi retinde ólenmen sonau Adam Ata men Haua Anadan bastap payghambarlar jayly, halifalar men sahabalar, imamdar men әuliyeler jayynda tolghanyp, olardyng qansha úly adamdar bolsa da, ólimdi jene almaghanyn bayan etedi.
"Ajal kelip jónelgen payghambarlar,
Taghy da otyz ýsh myng sahabalar
Abu Bәkir, Omar menen Osman, Áliy
Hasan, Huseyn jәne ótti shahzadalar.
Búlardan song tórt imam taghy da ótti,
Bizderge imam Aghzam din týzetti.
Qoja Ahmet Yassauy әuliyeler
Ruhtary bú kýnge sheyin bizderdi sýier.
Osynday sarynmen kelip óz qoghamyndaghy el jaqsylarynyng da qatary azayyp, ózi de biraz jasqa kelgendigin myna joldardan anghartady:

Kýn kýnde ketip jatyr jaqsy-jaman
Bizde kelip túrmyz jol auzyna, - dep jyrlaydy. Qissanyng sonynda Serdaly "Qissa-y Rýstemnin" avtory ma degen dau tuyndaydy. Oghan sebep jyrdyng sonynda jazylghan myna joldar bolyp otyr:

Múny jazghan molla Hasen mening atym,
Ózim ólsem, ólmeydi jazghan hatym.
Fazyl inim qalagha bara qalsan,
Jibergin baspashygha amanatym
Bú Rýstem tәmam boldy qolyna al,
Bir Qúdagha tapsyryp poshtagha sal, - deydi. Sonan song eng songhy sóilemderinde taghy da:

Amanat baspashygha myna sózim,
Tapsyrghan búl Fazylgha ýshbu kezim.
Meshjanda men Hasen noghay zatym
Qyrghyzda mollakamda túrdym ózim.
Bir myng ýsh jýz on segiz hijriada
Jamaghat tәmam boldy mine sózim, - dep qissa ayaqtalady.
Keltirilgen ýzindilerden Hasen "Qissa-y Rýstem" avtory bolyp túr. Áben Satybaldiyev osy joldarmen tanysqannan keyin mynaday tújyrymdargha kelgen eken: "...ózining qoly qysqa ekenin, sondyqtan bastyrtugha shamasy kelmeytinin aityp, әlgi Fazyl degen kisiden kómek súraydy.
Demek, búl dastannyng Tobyl manynan shyqqan Hasen molda jasaghan taghy bir audarma núsqasy bar. Búl siyaqty núsqalar, izdey berse, әli kóptep tabyluy da mýmkin, - dep kelip, - "Sal-Sal" men "Zarqúm" deytin qissany Mәuliykәiding paydalanyp ketkendigi turaly naq osy dau jogharydaghy Hasen molda audarmasynan da shygha keldi. Biraq onda Hasen molda Mәuliykәidi Serdalynyng audarmasyn paydalanyp ketti dep aiyptamaydy, "Sal-Sal" men "Zarqúmdy" ózim qissa etip jazyp edim, sony Qazan jibersem, Mәulikәy deytin bireu óz atyn qoyyp shygharypty" dep renjiydi". Birinshiden, Á.Satybaldiyevting qay jerden qateleskenin andap kórsek, alghashqy qatelik negizinen Qazan baspasynan nemese Serdalynyng ózinen ketken, olar kitaptyng syrtyna jәne birinshi betine dastannyng atyn jazghanymen, avtordyng atyn jazbaghan. Yaghny túnghysh ret qissany qolgha alghan adamgha enbek iyesiz bolyp kórinedi. Sonan song dastannyng ishinde Serdalynyng esimi bir-aq ret úshyrasady. Al, jyrdyng sonynda Hasen moldanyng aty avtor retinde birneshe jerde kezdesedi, sondyqtan da oqyp otyrghan adam әbden shatasuy mýmkin. Áben aghamyzdyng da qatelesken jeri osy bolsa kerek. Maqalamyzdyng basynan Serdalyny "Qissa-y Rýstemnin" iyesi dep tanystyryp kelip, ne sebepten onyng tuyndysynda taghy bir avtor jýr degen súraq tuyndaghan shyghar. Oghan jauapty "Qazaq әdebiyetining tarihynan" bergendi jón kórdik: "Keybir әdebiyet zertteushileri Serdalynyng búl audarmasy Qúsayyndiki (Hasendiki - S.B.) dep shatastyryp jýr. Shynynda, Qúsayyn audarmashy emes, Serdaly enbegin kitap qyp bastyrushy, kóshirushi ghana. Qoljazbany óz qolymen kóshirip, Qazangha jibergen Qúsayyn kitaptyng sonyna óz atyn qosqan...
Revolusiyagha deyingi basylghan qazaq kitaptarynyng kópshiligine tәn nәrse - bastyrushy, jinaushy adam ekinshi avtor bolyp, onyng aty kitapta qosarlanyp jýretin әdeti bar. Sondyqtan "múny jazghan" degen bir sózge sýienip, búl kitapqa Qúsayyndy ie etsek, onda Serdalygha qiyanat jasaghan bolamyz", - deydi. Búghan bizderding alyp qosarymyz joq.
Qoryta aitqanda, tәuelsiz elding tarihy býgingi kýni eshkimge jaltaqtamay jazyluy kerektigin aitpasa bolady. Aqiqatty bayraq etip ústap, búryn atyn da ataugha rúqsat etilmegen sanlaqtarymyzdyng jarqyn esimderin tughan halqymen qauyshtyru - býgingi úrpaqtyng paryzy dep týsinemin.

Sayat Baymúratúly, tarihshy

«Týrkistan» gazeti