Almatyda meningokokkten 5 jasar bala kóz júmdy, - dep xabarlaydy Abay-aqparat tengrinews.kz saytyna silteme jasap.

Búl turaly Almaty qalasynyng qoghamdyq Densaulyq saqtau Departamentining basshysy mәlimdegen.

"IYә, býgin týnde taghy bir bala kóz júmdy. Onda aurudyng nayzaghayly týri bolghan. Birneshe saghat ishinde qaytys boldy. Ol keshkilik saghat jetiler shamasynda týsip, týngi ekide kóz júmdy, - dedi ol.

Departamentting mәlimetinshe, búl Almaty qalasynda meningokokkte kóz júmghan besinshi oqigha.

Al, OQO Qoghamdyq densaulyq saqtau departamentining mәlimeti boyynsha oblysta 2018 jyldyng 5 aiynda 4 adam meningokokk dertine shaldyqqan.

Sonymen qatar osy aurudan 2018 jyldyng 5 aiynda 2 bala qaytys bolghan.

Almatyda mamyrdyng ortasynan beri meningokok júqpasynan tórt adam - balabaqshagha baryp jýrgen býldirshin, student pen eki eresek adam qaytys bolghan.

Almatyda mamyrdyng 24-i kýni dene qyzuy kóterilip, auruhanagha jatqyzylghan jergilikti joghary oqu ornynyng birinshi kurs studenti meningokok júqpasynan qaytys boldy. Búl turaly Almaty qalalyq qoghamdyq densaulyq qorghau departamentine silteme jasap jergilikti aqparat agenttikteri habarlady. Dәrigerlerding aituynsha, nauqas studentke qauipti infeksiyanyng jyldam taralatyn týri júqqan.

Qyzylorda oblystyq densaulyq saqtau basqarmasy basshysynyng orynbasary Jaqsylyq Ábdisәmetov ta býgin Janaqorghan audanynyng 27 jastaghy túrghyny meningokok infeksiyasynyng alghashqy belgilerimen auruhanagha jatqyzylghanyn habarlady.

Búl resmy aqparattar. Qazir әleumettik jelilerde adam shoshyrlyq beyresmy aqparattar taray bastady. Sóite túra Densaulyq saqtau ministri Eljan Birtanov Qazaqstanda meningokok infeksiyasynan auyru oqighalaryn epiydemiya dep sanamaytynyn mәlimdep, jaghdaydy baqylauda ústap otyrghandyqtaryn aitty.

Jurnalister saualyna jauap bergen ministr songhy mәlimet boyynsha Qazaqstanda 55 adam meningokok infeksiyasyn júqtyrghany anyqtalghanyn aitty. Ol búl infeksiyamen auyrghandardyng eng kóbi Almatyda (31 adam) tirkelgen.

Ministrding dereginshe, qazirge deyin Aqmola oblysynda eki adam, Aqtóbe oblysynda eki adam, Almaty oblysynda ýsh adam, Shyghys Qazaqstan oblysynda tórt adam, Pavlodar oblysynda eki adam, Ontýstik Qazaqstan oblysynda tórt adam, Astanada tórt adam, Jambyl men Qaraghandy oblystarynda bir adam infeksiya júqtyrghan.

Birtanov ata-analargha balalaryn kópshilik oryngha aparudan tartyna túrugha kenes berdi.

Meningokok infeksiyasyn Neisseria meningitidis bakteriyalary qozdyrady, auru týrli klinikalyq belgilermen payda bolady – infeksiyany taratushyda onyng belgileri bilinbeui de mýmkin nemese múryn-jútqynshaq qabynuy, my qabyghynyng qabynuy jәne meningokoktyq sepsis týrinde órbiydi dep eskertedi dәrigerler.

Mamandar alghashqy belgileri kórinis bere bastaghanda jedel jәrdem shaqyrugha kenes beredi. «Túrghyndar arasynda meningokokk júqpasynyng órshuine baylanysty alghashqy belgileri:

tamaqtyng jybyrlauy,

auruy,

bas auruy,

dene qyzuynyng kóterilui,

jaysyzdyq bolghan jaghdayda jedel jәrdem shaqyrghan jón», -dedi qalalyq Qogham densaulyghyn qorghau departamentinen. Osyghan baylanysty qalada emhanalar tanghy saghat 08:00-den keshki 20:00 deyin ýzilissiz júmys isteytin bolady. Qazir eki auruhanada 24 adam meningokokk júqpasynan emdelip jatyr. 6 adamgha klinikalyq diagnoz qoyyldy. Dәrigerler nauqastardyng jaghdayy jaqsy dep baghalap otyr. «Auruhanagha der kezinde qaralmaghan jaghdayda adam ólimine әkelui mýmkin. Sondyqtan, adam kóp shoghyrlanghan jerlerge barghan kezde gigiyenalyq talaptardy saqtau manyzdy. Meshitterge barghanda betperde taghyp jýrgen jón», - dedi mamandar.

Internettegi resmy aqparattardy iriktep úsynghan Shәriphan Qaysar

Abai.kz