الماتىدا مەنينگوكوككتەن 5 جاسار بالا كوز جۇمدى، - دەپ xابارلايدى اباي-اقپارات tengrinews.kz سايتىنا سىلتەمە جاساپ.

بۇل تۋرالى الماتى قالاسىنىڭ قوعامدىق دەنساۋلىق ساقتاۋ دەپارتامەنتىنىڭ باسشىسى مالىمدەگەن.

ء"يا، بۇگىن تۇندە تاعى ءبىر بالا كوز جۇمدى. وندا اۋرۋدىڭ نايزاعايلى ءتۇرى بولعان. بىرنەشە ساعات ىشىندە قايتىس بولدى. ول كەشكىلىك ساعات جەتىلەر شاماسىندا ءتۇسىپ، تۇنگى ەكىدە كوز جۇمدى، - دەدى ول.

دەپارتامەنتتىڭ مالىمەتىنشە، بۇل الماتى قالاسىندا مەنينگوكوككتە كوز جۇمعان بەسىنشى وقيعا.

ال، وقو قوعامدىق دەنساۋلىق ساقتاۋ دەپارتامەنتىنىڭ مالىمەتى بويىنشا وبلىستا 2018 جىلدىڭ 5 ايىندا 4 ادام مەنينگوكوكك دەرتىنە شالدىققان.

سونىمەن قاتار وسى اۋرۋدان 2018 جىلدىڭ 5 ايىندا 2 بالا قايتىس بولعان.

الماتىدا مامىردىڭ ورتاسىنان بەرى مەنينگوكوك جۇقپاسىنان ءتورت ادام - بالاباقشاعا بارىپ جۇرگەن ءبۇلدىرشىن، ستۋدەنت پەن ەكى ەرەسەك ادام قايتىس بولعان.

الماتىدا مامىردىڭ 24-ءى كۇنى دەنە قىزۋى كوتەرىلىپ، اۋرۋحاناعا جاتقىزىلعان جەرگىلىكتى جوعارى وقۋ ورنىنىڭ ءبىرىنشى كۋرس ستۋدەنتى مەنينگوكوك جۇقپاسىنان قايتىس بولدى. بۇل تۋرالى الماتى قالالىق قوعامدىق دەنساۋلىق قورعاۋ دەپارتامەنتىنە سىلتەمە جاساپ جەرگىلىكتى اقپارات اگەنتتىكتەرى حابارلادى. دارىگەرلەردىڭ ايتۋىنشا، ناۋقاس ستۋدەنتكە قاۋىپتى ينفەكتسيانىڭ جىلدام تارالاتىن ءتۇرى جۇققان.

قىزىلوردا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جاقسىلىق ابدىسامەتوۆ تا بۇگىن جاڭاقورعان اۋدانىنىڭ 27 جاستاعى تۇرعىنى مەنينگوكوك ينفەكتسياسىنىڭ العاشقى بەلگىلەرىمەن اۋرۋحاناعا جاتقىزىلعانىن حابارلادى.

بۇل رەسمي اقپاراتتار. قازىر الەۋمەتتىك جەلىلەردە ادام شوشىرلىق بەيرەسمي اقپاراتتار تاراي باستادى. سويتە تۇرا دەنساۋلىق ساقتاۋ ءمينيسترى ەلجان ءبىرتانوۆ قازاقستاندا مەنينگوكوك ينفەكتسياسىنان اۋىرۋ وقيعالارىن ەپيدەميا دەپ سانامايتىنىن مالىمدەپ، جاعدايدى باقىلاۋدا ۇستاپ وتىرعاندىقتارىن ايتتى.

جۋرناليستەر ساۋالىنا جاۋاپ بەرگەن مينيستر سوڭعى مالىمەت بويىنشا قازاقستاندا 55 ادام مەنينگوكوك ينفەكتسياسىن جۇقتىرعانى انىقتالعانىن ايتتى. ول بۇل ينفەكتسيامەن اۋىرعانداردىڭ ەڭ كوبى الماتىدا (31 ادام) تىركەلگەن.

ءمينيستردىڭ دەرەگىنشە، قازىرگە دەيىن اقمولا وبلىسىندا ەكى ادام، اقتوبە وبلىسىندا ەكى ادام، الماتى وبلىسىندا ءۇش ادام، شىعىس قازاقستان وبلىسىندا ءتورت ادام، پاۆلودار وبلىسىندا ەكى ادام، وڭتۇستىك قازاقستان وبلىسىندا ءتورت ادام، استانادا ءتورت ادام، جامبىل مەن قاراعاندى وبلىستارىندا ءبىر ادام ينفەكتسيا جۇقتىرعان.

ءبىرتانوۆ اتا-انالارعا بالالارىن كوپشىلىك ورىنعا اپارۋدان تارتىنا تۇرۋعا كەڭەس بەردى.

مەنينگوكوك ينفەكتسياسىن Neisseria meningitidis باكتەريالارى قوزدىرادى، اۋرۋ ءتۇرلى كلينيكالىق بەلگىلەرمەن پايدا بولادى – ينفەكتسيانى تاراتۋشىدا ونىڭ بەلگىلەرى بىلىنبەۋى دە مۇمكىن نەمەسە مۇرىن-جۇتقىنشاق قابىنۋى، مي قابىعىنىڭ قابىنۋى جانە مەنينگوكوكتىق سەپسيس تۇرىندە ءوربيدى دەپ ەسكەرتەدى دارىگەرلەر.

ماماندار العاشقى بەلگىلەرى كورىنىس بەرە باستاعاندا جەدەل جاردەم شاقىرۋعا كەڭەس بەرەدى. «تۇرعىندار اراسىندا مەنينگوكوكك جۇقپاسىنىڭ ورشۋىنە بايلانىستى العاشقى بەلگىلەرى:

تاماقتىڭ جىبىرلاۋى،

اۋرۋى،

باس اۋرۋى،

دەنە قىزۋىنىڭ كوتەرىلۋى،

جايسىزدىق بولعان جاعدايدا جەدەل جاردەم شاقىرعان ءجون»، -دەدى قالالىق قوعام دەنساۋلىعىن قورعاۋ دەپارتامەنتىنەن. وسىعان بايلانىستى قالادا ەمحانالار تاڭعى ساعات 08:00-دەن كەشكى 20:00 دەيىن ءۇزىلىسسىز جۇمىس ىستەيتىن بولادى. قازىر ەكى اۋرۋحانادا 24 ادام مەنينگوكوكك جۇقپاسىنان ەمدەلىپ جاتىر. 6 ادامعا كلينيكالىق دياگنوز قويىلدى. دارىگەرلەر ناۋقاستاردىڭ جاعدايى جاقسى دەپ باعالاپ وتىر. «اۋرۋحاناعا دەر كەزىندە قارالماعان جاعدايدا ادام ولىمىنە اكەلۋى مۇمكىن. سوندىقتان، ادام كوپ شوعىرلانعان جەرلەرگە بارعان كەزدە گيگيەنالىق تالاپتاردى ساقتاۋ ماڭىزدى. مەشىتتەرگە بارعاندا بەتپەردە تاعىپ جۇرگەن ءجون»، - دەدى ماماندار.

ينتەرنەتتەگى رەسمي اقپاراتتاردى ىرىكتەپ ۇسىنعان ءشارىپحان قايسار

Abai.kz