Gýljan Qaraqúsovany kelekelep, kýlkige ainaldyryp jatyrmyz. Ol kisi búlay sóileymin dep jer boldy.

Endi ol kisi qazaqsha sóiley me? Kazaqsha sóileuge talpyna ma? Meninshe endi ol kisi qazaqsha sóileuden aulaq jýredi. Dәl sol kisidey qazaqshasy shala, sóilep ýireneyin dese, júrttyng mazaghyna qalatyn myndaghan adam bar ghoy. Sonday qazaqshasy nashar kisilerdi kýlki etu arqyly olardyng qazaqsha bileyin, ýireneyin, sóileyin degen niyetin týp-tamyrymen ózimiz júlyp jatyrmyz emes pe?

Gýljan Qaraqúsova kóbirek dayyndalyp, kóbirek mashyqtanyp, qazaqsha jaqsy sóileytindey dengeyde boluy kerek edi, biraq ol kisi sol kýni qazaqsha bar bilgenin aitty ghoy. Osylay qazaqsha sóileuge niyetti, bir sóz bolsa da qazaqsha aitugha tyrysyp jýrgen adamdy qoldap, qatelikterin týzeuge kómektesip, sol arqyly qazaqsha sóiley týsuine óz qolymyzda túrghan jәrdemdi beruding ornyna arzan kýlkige riza bolyp jýrmiz.

Ol kisining oiyn qazaqsha jetkize almaghanyna býkil qogham kinәli. Ol kisige kýlu arqyly ózimizge kýlip jatyrmyz. Búl kýletin emes, ókirip jylaytyn jaghday. Qazaqsha sóilegisi keletinderge sóilep ketuge kómektesuge tyrysayyq, arzan kýlki basqa jerde de jetip jatyr. Qoghamymyzda qazaqsha sóileu turaly talap bolghanymen, qogham (siz ben biz) qazaqsha jaqsy bilmeytinderge qazaqsha sóileuge jaghday jasap berip otyrghan joq. Turist kelui ýshin oghan qolayly jaghday jasap beru kerek, kәsipker kóbeyi ýshin qolayly jaghday kerek, qazaqsha sóileu ýshin (әsirese bas kezinde, janadan sóiley bastaghan kezde) jaghday kerek. Biz onday jaghday jasap berip otyrghan joqpyz, biraq qazaqsha sóile degen talabymyz tauday.

Núrmúhamedting Sayatynyng Facebook-tegi paraqshasynan

Abai.kz