Atyrau oblystyq sotynyng tóraghasy

Marghúlan Júbanyshúly Bektúrghanov

myrzagha

AShYQ HAT

Qúrmetti, Marghúlan Júbanyshúly!

Men Medet Kerimbayúly Nadirov 6 aidan beri óz balalarymdy qamqorlyghyma ala almay Almaty men Atyraudyng arasynda sabylyp jýrmin.

QR-nyng "Neke (erli-zayyptylyq) jәne otbasy turaly" Zannyng 75 babyna sәikes әreket etip, Jyloy audandyq sotyna shaghymdanghan edim. Biraq, zang men jaghymda bola túra is sozbaqtalyp ketti. Tipti, qazir jat qolyndaghy balalarymdyng ómir qauipsizdigine alandap jýrmin. Mening alandauyma negiz bolatyn sebepter de joq emes.

Qosh! Týsinikti bolu ýshin basynan bastayyq.

Men Gauhar Serikqyzy Dýisenbaevamen 2006 jyldyng qyrkýiegining 6-júldyzynda zandy nekege túryp, otbasy qúrdym. Eki balaly bolghannan keyin 2010 jyly Jyloy audandyq sotynyng sheshimimen ajyrasyp kettik.

2017 jyldyng 27 jeltoqsanynda әielim Gauhar Dýisenbaeva ómirden ozdy.

Sodan keyin balalarymnyng bolashaq taghdyryna alandap, QR Zandarynyng negizinde óz qamqorlyghyma almaq bolyp, izdene bastadym.

Qazir kәmlettik jasqa tolmaghan qyzym men úlymdy naghashy әjesi Gýlbahram Raqymqyzy Dýisenbaeva zangha qayshy bolsa da, maghan qaytarmay, tipti mening әkelik qúqyghymdy shektep, oiyna kelgenin isteude. Enem ózi vahtalyq júmys jasaydy. Ol kisi ailap júmysqa ketkende balalarym ózderine mýldem tuystyq qatynasy joq adamdardyng qolynda qalady. Órimdey qyzymnyng taghdyryn jat adamdardyng tas talqan etpesine kim kepildik beredi? Onyng ýstine úlymnyn, óz qanymnyng kim kóringenning esigining aldynda jýrgenin qalamaymyn.

Men aldymen balalarymdy alghym keletinin aityp, Gýlbahram Raqymqyzy Dýisenbaevagha auyzsha úsynys jasadym. Biraq, jauapker naghashy әjesi týbegeyli qarsy bolyp, balalarymmen kezdesuime tiym saldy. Mektepten keyin botaqandarymdy menimen kezdestirmeu ýshin ýiden shygharmay, qamap ústady.

Qazir óz balalarymdy ózime qarsy qoyyp, týrli әreket jasap, tipti telefonmen sóilesuimizge tiym salyp otyr. Men balalarymnyng amandyghyn bile almay, uayymdap jýrmin.

Osy uaqytqa deyin Almatydan Atyraugha birneshe ret baryp, balalarymmen jolygha almay qayttym. Kelinshegim bar kezde bizde múnday problema bolghan emes. Qalaghan uaqytymda bala-shaghammen kezdesip, olardy demalys sayyn ýiime әketetinmin. Jat bolyp ketpesin dep, óz tuystaryn aralatatynmyn.

Balalarym jazghy demalysty asygha kýtetin. Olar demalysqa shygha salysymen Atyrau - Almaty poyyzyna minetinbiz de, tughan jerlerine tartyp otyratynbyz. 

2010 jyly nekemiz búzylghanymen 2013 jyly әkelik mindetimdi oryndap, balam beske tolghanda músylmandyq jolmen sýndetke otyrghyzyp, toy jasadym. 

Balalarymnyng ótinishimen Astanagha arnayy baryp, qydyrghan edik. Tәuelsiz elding úlandary qazir kimning ýiinde kóz týrtki bolyp jýrgenin oilasam, jýregim auyrady.

Esiktegi "Altyn adam" múrajayy. Men úrpaghymnyng el tarihyn bilip óskenin qalaymyn!

2018 jyldyng 21 mausymynda balalaryma taghy bardym. Olardy taba almaghan son, shydamym tausylyp, zang qyzmetkerlerine jýginuge tura keldi. Men 102-ge qonyrau shalyp, balalarymdy tauyp beruin talap etip edim, arada kóp uaqyt ótpey-aq belgisiz adamdar balalardy dereu әkep berdi.

Olardy tamaqtandyryp, әngimeleseyin degen niyetpen kafege qaray jolgha shyqqanymyz sol edi E765 CWM Vaz avtokóligi bizdi qysyp jol jiyegine toqtatty da, qasymdaghy joldasym ekeumizdi soqqygha jyghyp, balalarymdy qaytyp tartyp alyp ketti (Qúday onyng betin ary qylsyn, eger de Sizding nemerelerinizdi tanymaytyn bireuler dәl osylay kýsh kórsetu arqyly tartyp әketse, qanday kýide bolar ediniz).

Osylay Gýlbahram Raqymqyzy Dýisenbaeva maghan әlimjettik jasau jәne psihologiyalyq qysym kórsetu arqyly QR azamaty retindegi qúqyghymdy ayaqqa taptap otyr.

Jyloy audandyq soty da mening Zang boyynsha talabymnan kinәrat taba almaghan son, aqyry "ótinishti dúrys jazbaghansyn" dep alghashqy isti dúrys qaraghan joq. Men aryzymda "balalarymdy qaytaryp әperuinizdi súraymyn" dep jazghan edim. Al, sottyng aituyna qaraghanda "tartyp әperuinizdi súraymyn" dep talap etuge tiyis ekenmin.

Osy bir sóilemge bola 6 ay Almaty men Atyraudyng arasynda tabanym tozdy. Endi, qanday syltau tabatyndaryn, ol syltaumen qansha ay jýgiretinim jәne belgisiz. Men Atyrau oblystyq sotyna shaghymdandym. Endi osy shaghymym dúrys qaralyp, әdildikke jetemin degen oidamyn.

QR Zany men jaghymda bola túra, dәl osylay isti sozbaqtau kimge, ne ýshin qajet bolyp túr? Osyghan jauap beretin Atyrau oblysynda adam bar ma? Býkil Qazaqstan aumaghynda dәl osynday mәsele sotsyz-aq ong sheshilip jatady eken. Maghan kelgende nelikten is kýrdelenip ketti? Múnyng astarynda sybaylas jemqorlyq jatqan joq pa?

Qúrmetti, Marghúlan Júbanyshúly!

Men Sizden kәmelettik jasqa tolmaghan balalarymdy QR-nyng "Neke (erli-zayyptylyq) jәne otbasy turaly" Zannyng 75 babyna sәikes jat qolyndaghy balalarymdy "TARTYP ÁPERUINIZDI" súraymyn! Sizge búlay ótinish jazu sebebim, mening búl jolghy dúrys jazylghan talap aryzymnan da kinәrat shyghuy mýmkin. Tipti, sot kezinde mening jýikeme tiyetin týrli әreketter oryn alyp jatady. Almaty men Atyraudyng arasyn eskermesten sotqa bir kýn qalghanda shaqyrtu jiberedi. Men sonda da bar mýmkindigimdi paydalanyp, kýresip kelemin. Sәl sýrinsem, qarsy tarap balalarymdy mәngilikke tartyp aludan tayynbaytyn sekildi. Sot barysy beyne-taspagha týgeldey jazylyp alugha tiyis. Nege ekenin bilmeymin keyde mening uәjdi sózderim bastalghanda viydeo-jazba avtomatty týrde toqtatylyp tastalady. Osynyng ózinen-aq, mening búl mәseleni aqparat qúraldary men qogham belsendilerin aralastyrmay sheshe almaytynymdy anghardym. 

Sondyqtan da aldymen Sizge Ashyq hat jazyp otyrmyn. Mening shyrylyma qúlaq asyp, QR Zany is jýzinde oryndaluyn talap etseniz eken.

Sәlemnen Medet Kerimbayúly

Abai.kz