Senatta zannamalyq prosessti jetildiruding ózekti mәseleleri boyynsha Ýkimet saghaty ótti. Búl turaly Abai.kz aqparattyq portaly habarlaydy.

Parlament Senatynyng Tóraghasy Qasym-Jomart Toqaev sharagha qatysushylardyng aldynda sóz sóilep, azamattardyng әl-auqaty zandargha tikeley baylanysty ekenin atap ótti. «Memleket basshysy reformalarynyng negizi, atap aitqanda Qazaqstannyng ekonomikasy men sayasatynda tereng janartular jýrgizu, Qazaqstandy aldynghy qatarly memleketke ainaldyru strategiyasy, mening oiymsha, zang shygharu prosesine atýsti qaraudy toqtatyp, búl manyzdy iske janasha kózqaras qalyptastyrudy qajet etedi», - dedi Senat Tóraghasy. Onyng aituynsha, elimizdegi reformalardyng qarqyny men mazmúnyn qamtamasyz etuge qabiletti, janghyrtylghan zannamalyq baza qúru – Parlament deputattary júmysynyng negizgi maqsaty.

Q.Toqaev zang jobalau júmysyn josparlau dengeyining tómendigin atap ótti, ol zang shygharu júmysyndaghy jýiesizdikke, «shashyranqylyqqa», әbden pisip-jetilgen týitkilderding tym kesh sheshiluine jәne kodifikasiyalanghan aktilerding retsiz týzetiluine әkelip soghady.

«Parlament qabyldaghan zannamalyq aktilerge kýshine engen kezden bastap bir jyl ishinde basqa zandar negizinde jýzge juyq ózgertuler engiziletin jaghdaylar da kezdesedi», - dedi Senat Tóraghasy.

Q.Toqaev әzirleushilerding tarapynan aghymdaghy jaghdaygha degen tújyrymdamalyq kózqaras pen memleketting damuyna ong yqpal etetin ýrdisterding tapshy ekenin syngha aldy. Onyng pikirinshe, birqatar zandardan ishki qarama-qayshylyqpen qatar tengerimdilikting joqtyghyn kóruge bolady. Zang bir úghymnyng ózin aluan týrli maghynada týsindirui mýmkin.

Tóragha zang shygharu qyzmetin reytingtik kórsetkishterdi jaqsartu maqsatynda halyqaralyq úiym talaptaryna baghynu tәjiriybesinen bas tartugha shaqyrdy.

«Halyqaralyq úiymdarmen is-qimyl jasaudyng manyzy zor ekeni kýmәnsiz, biraq olardyng talaptary men súranystary, eng aldymen, últtyq mýddelerdi qamtamasyz etuge jәne Qazaqstan azamattarynyng mún-múqtajdary men qajettilikterin qanaghattandyrugha baghyttalghan zang shygharu júmysyna tosqauyl bolmauy tiyis», - dep esepteydi Q.Toqaev.

Senat Tóraghasy zang shygharu prosesining jetkilikti týrde úiymdastyrylmauyna nazar audardy. Keybir jaghdaylarda tújyrymdamalar zang jobasyn retteu bolyp tabylatyn negizgi mәselelerdi qamtymaydy jәne kórsetpeydi. Zannama jýiesining negizine qatysty tengerimdi ústanymynyng bolmauy da jii oryn alyp túrady: «Keybir baghyttar boyynsha biz qatandatu ústanymdaryn basshylyqqa alsaq, basqa salalarda bosandyq pen erkindikke jol beremiz. Osylaysha, tútastay Qazaqstannyng zandary ózara ishki qisynnan ajyrap, sәikesinshe onyng qúqyqtyq baghdary zangha baghynu, zandy qúrmetteu, qúqyq búzushylyqtardy azaytu siyaqty basty mýddelerden alshaqtay týsedi».

Q.Toqaevtyng pikirinshe, jynystyq túrghydaghy qylmysqa qarsy, esirtki qúraldarynyng ainalymy men mal úrlyghy jәne adam ólimine әkelip soghatyn jol qozghalysy erejelerin saqtamau salasyndaghy qúqyq búzushylyqtardyng kóbengi olargha salynatyn jazany qatandatudy talap etedi.

«Osynday sipattaghy qylmystar qogham ishinde ótkir pikirtalastar tudyruda, sondyqtan da jenil jaza qoldanu nemese, tipti, ózara kelisim jolymen (mediasiya) qylmystyq jauapkershilikten qútylu jaghdaylaryna azamattar tarapynan kelispeushilik bildiru – zandy qúbylys», - dep atap ótti Q.Toqaev.

Bayandamada týsindirme júmysyna erekshe nazar audaryldy.

«Memlekettik organdar sifrlyq tehnologiyalar men qalyng júrtshylyq arasynda keninen taralghan әleumettik jelilerdi tiyimdi paydalanyp, neghúrlym belsendi jәne jana kózqarastardy ústanuy qajet. BAQ kenistiginde keninen jariyalay otyryp, ózekti mәseleler boyynsha beynerolikter kórsetu, baspasóz-konferensiyalaryn, disputtar men pikirtalastar ótkizu zang shygharmashylyghy prosessining ajyramas bóligine ainaluy tiyis. Uәkiletti organdar kez-kelgen janalyqty engizbes búryn jergilikti halyqpen, biznes-qauymdastyqpen jәne memlekettik organdarmen jan-jaqty týsindiru júmystaryn jýrgizui qajet», - dedi Parlamentting joghary Palatasynyng Tóraghasy.

«Memleketimizding qazirgi damu jaghdayynda joghary sapaly zandar jýiesin qamtamasyz etu airyqsha manyzgha iye», - dedi Q.Toqaev.

Ádilet ministri Marat Beketaev sharanyng kýn tәrtibi boyynsha óz ústanymyn bildirdi.

Onyng aituynsha, Senat Tóraghasy aiqyndaghan basty 10 mәseleni naqty әreketke kóshuding núsqaulyghy retinde qabyldau qajet. Ministr zannamagha týsinikteme engizu jaghdaylaryn atady. Bayandamada aitylghanday zannamagha ózgertuler engizuding teris saldarlary eki jaghdayda tuyndaydy: «Birinshiden, zang jobasyn әzirleushi onyng saldaryn dúrys josparlamaghanda. Ekinshiden, ong ózgerister engizilip, qogham olargha dayyn bolmay shyqqanda, mysaly týsindirme júmysy әlsiz bolghan kezde».

M.Beketaev Ádilet ministrligi sheteldik ozyq tәjiriybeni paydalanudy josparlap otyrghanyn mәlimdedi, sonday-aq normativtik-qúqyqtyq aktilerdi qabyldau, zannama saraptamasyn jәne qúqyqtyq monitoring ótkizu tәrtibin tújyrymdamalyq týrde ózgertu boljanuda. Odan basqa, aqparattyq tehnologiyalar keninen qoldanylatyn bolady: «E-zannama» aqparattyq jýiesi әzirlenude. Ministr atap ótkendey, bolashaqta osy jýiege jasandy intellekt – robotty qosu josparlanyp otyr.

Sonday-aq, deputattardyng aldynda Memlekettik qyzmet jәne sybaylas jemqorlyqqa qarsy is-qimyl agenttigi tóraghasynyng orynbasary Oljas Bektenov jәne «Atameken» Últtyq kәsipkerler palatasy basqarma tóraghasynyng orynbasary Rustam Jýrsinov sóz sóiledi.

Pikirtalas ayasynda Senat deputaty Múhtar Qúl-Múhammed zang shygharu júmysy prosessinde jeke vedomstvolardy, aimaqtardy, qarjy-ónerkәsip toptarynyng mýddelerin qorghau mәselesi boyynsha pikir bildirdi. Osyghan baylanysty senator atalghan qyzmetting qúqyqtyq shekterin anyqtaytyn lobby qyzmeti turaly zandy qabyldau mәselesin algha tartty.

Senator Múrat Baqtiyarúly memlekettik tildegi zang mәtinderining sapasy tómen ekenin mәlimdedi. Deputattyng aituynsha, tәuelsizdigimizding 27 jyly ishinde memlekettik tilde әzirlengen zang jobalary ekeu-aq. Audarylatyn qújattardyng sapasy nazar audarudy talap etedi.

Talqylaugha senatorlar Dәuren Ádilbekov, Serik Jaqsybekov, Álimjan Qúrtaev, Tóleubek Múqashev, Vladimir Volkov, Dulat Qúsdәuletov jәne taghy basqalar qatysty. Shara qorytyndysy boyynsha memlekettik instituttargha degen qogham senimining dengeyin arttyrugha, zannama sapasy men túraqtylyghyn jaqsartugha, últtyq zannamany qabyldanghan halyqaralyq mindettemelerge sәikestendiruge baghyttalghan naqty sharalar úsynyldy.

Abai.kz