Biz Abai.kz aqparattyq portalyna qyrkýiekting 19 kýni «1893 jyly salynghan Maral Ishan meshiti QMDB-gha qajeti joq pa?» degen maqala jazghanbyz. Onda salynghanyna túp-tura 125 jyl tolghan osynau aishyqty da erekshe Alla ýiining janashyr qojayynnyng joqtyghynan azyp-tozugha ainalghanyna júrtshylyqtyng nazaryn audarghanbyz. Sodan biz QMDB-dan bir jauap bolar degen ýmitte edik. Alayda kýtkenimiz bolmady. Basqarma ýnsiz qaldy.

Joq, biz qatelesippiz. Basqarma eshteneni de býkpesten, ózderining atqarghan júmystaryn tәptishtep, úzaq-sonar jauap qatypty. Bizge emes. Osy oblymyzdaghy orys tilinde shyghatyn «Nasha gazeta» dep atalatyn aptalyqqa beripti. «Biz birinshi jazyp edik, qansha degenmen býkil elge taraytyn portal edik, jauabyn aldymen bizge baghyttasa qaytedi» degen pendeshilikten aulaqpyz, әriyne. Biz ýshin eng bastysy kótergen mәselemizding qalay sheshiletininde. Kimning ataghy aldymen shyghady, kim-kimdi mensingisi kelmeydi degen qysyr sózge qúmarlyghymyz joq.

Sonymen, basqarma ne deydi eken, soghan kelelik. Búl mekeme ózining meshit isteri jónindegi bólimining basshysy Jandilla Bekjigitovtyng auzymen «basqarmanyng esh uaqytta Maral ishan meshitin ústap túrudan bas tartqan emestigin  jauapkershilikpen habarlaytynyn» aitady. Búl endi búrmalaushylyq. Biz «basqarma Maral ishan meshitinen birjolata irgesin aulaq salyp otyr» dep jazghan emespiz. Biz tek kezinde meshitti jóndeuge kómektesemiz dep uәde bere otyryp, ony oryndamay ketkenin eske salghanbyz. Múny biz osyndaghy Qostanay oblystyq mәdeniyet basqarmasynyng basshyghy Erlan Qalmaqovtyng óz auzynan estidik. Qalmaqov myrza ótirik aitsa, ol sol azamattan súraghandarynyz maqúl.

Sóite túra basqarma búl meshitting әbden azyp-tozghanyn, sonyng saldarynan múnda minajat etuge bolmaytynyn aitqan. Al meshitti qayta qalpyna keltiru asa qymbatqa týsedi. Bekjigitovtyng gazet redaksiyasyna telefon soqqanda búl júmystyng bir milliard tengege jetip jyghylatynyn ashyq moyyndapty. Al jergilikti qaltalylar osynau sauapty iske qol úshyn beruge jaramapty.

Al múnyng endi ózindik sebepteri bar. Jergilikti azamattardyng aqsha bóluge jaramaghany, olardyng sarandyghynan emes. Bir kezderi bizde әkim bolghan Kulagin degen kisining segizinshi mikoraudanda biznesmen Tólegen Jaylaubaevtyng óz aqshasyna ýlken meshit salghanyna qaramastan, onyng janyna taghy bir meshit túrghyzugha pәrmen bergendiginde. Al oghan jdergilikti kәsipkerlerge bedelin sala otyryp, aqsha jinatqanyn osyndaghy júrttyng bәri de biledi. Endi qostanaylyq kәsipkerler qanshama bay bolsa da eki birdey dýniyege - bir jana meshitke, bir eski meshitke qarjy beruge mýmkindigi kele qoya ma? Olardyng tartynyp qalghany da mine osynda.

Aytpaqshy, «Shaghyn qalamyzgha eki birdey zәulim meshitti bir jerge saludyng qanshalyqty qajettigi bar? Onan da bireuin qala ortalyghyndaghy kók bazardyng janyndaghy bos oryngha salsa qaytedi» dep qalamyzdyng ziyaly qauymy qansha jerge ýshbu hat jiberip, narazylyghyn bildirgenmen, jogharydaghy biylik te týsinistik tanytpady. Aqyry mine aulasy at shaptyrymday eki meshit bir jerge qazday tizilip túr. Al shaharymyzdyng ortalyghy men shyghys pen ontýstik bóligindegi jәmighat auraqtargha qúran oqytyp, bet sipau ýshin qalamyzdyng әr týkpirinen birneshe avtobuspen osynda shúbyrady, Al osyny bile túra basqarmanyng jauabyndaghy «Qostanayda salynghan eki meshit qazirgi tanda mýltiksiz júmys istep túr, mine sondyqtan qalanyng jәmighatynan shaharda meshit joq degen narazylyghyn estigen joqpyz» dep bir qayyrypty. Au, kim meshit joq dep otyr? Ángime tek Maral ishan atyndaghy ortalyq meshit jayly bolyp otyr emes pe? Ghajap qisyn eken.

Qisyn demekshi basqarmanyng keng pishilgen jauabynda oblysymyzdyng Qarabalyq audanynyng ortalyghyndaghy mәrmәr taspen órilgen zәulim ghimarattyng qazir jergilikti budjetke berilgenin quana habarlaydy. Bizdinshe, búl jerde asa shattana qoyatyn eshtene joq.

Birinshiden, ol meshit osy  jerde tughan, qazir Astanadaghy atynan at ýrketin bir myqtynyng anasyna arnap salghan meshiti. Baylyghy jetedi, sosyn salsa salghan shyghar. Alayda búl ónirde qazaqtardyng sany tym az, tary ishinde bir bidayday ghana. Sonda ol kim ýshin salyndy, maqsaty ne degen kýmәndi súraqtar tuyndaydy.

Ekinshiden, osynday zәulim meshitti ústap túru ýshin qyruar qarjy kerek ekeni belgili. Onyng salmaghy endi jergilikti budjetting moynyna, yaghny qarapayym halyqtyng qaltasyna týsip túr. Sonda deymiz-au, aldymen elde joq keremet meshit salady da, keyin odan bas tartyp shygha keledi. Au, ony endi ózi salghan eken, endeshe eshkimge salmaq týsirmey óz aqshasyna ústap túrsa, kedeylenip qala ma? Meshit degen sol kisining anasynyng atyn iyelenip túr emes pe? Endeshe oghan qarjylay da, ózgeshe de jauapkershilikti ózi moynyna almas pa edi, er azamat?

Qysqasha aitqanda, bizge kelmegen kól-kósir jauaptan ózimizshe týigen oiymyzdyng bir parasy osynday. Qalghanyn oqyrmandardyng patsha kónili biler.

Aytpaqshy qalamyzdaghy adam kórse qyzyghar zәulim meshitti kәsipker Jaylaubaev esh qabaghyn shytpastan, barlyq qarajatyn ózi kóterip otyr. Endi onyng jighan-tergeni  janaghy azamattyng baylyghynyng jýzden birine jetpeytinine senimdimiz. Sirә, әngime aqshada emes, mәsele istegen isindi óz moynynmen kótere bilude shyghar. Al «Aty meniki, zaty seniki» deytin qulyq qay azamatqa da jaraspaydy. Aytayyn degenimiz osy edi.

Jaybergen Bolatov, Qostanay

Abai.kz