Jaqyn arada Almatynyng qoghamdyq kólikteri 86 payyzgha janarady. Sonday-aq, jýrgizushilerge birynghay ailyq jalaqy men ortaq kiyim ýlgisi engizilmek. Búl turaly "Almaty.tv" telearnasy habarlaydy. 

Endi avtobus tizginindegilerge birynghay jalaqy beriledi. Olar 180 mynnan bastap 250 myng tenge aralyghynda ailyq alady.

Jýrgizushiler jolaushylargha qyzmet kórsetudi jaqsartyp qana qoymay, kýndelikti júmysqa kiyetin kiyimin de týbegeyli ózgertedi. Búdan bylay qaladaghy barlyq qoghamdyq kólik jýrgizushileri birynghay kókshil týsti forma kiyedi. Olargha shetelding tәjiriybesi negizinde 4 mezgilge say komplekt beriledi. Mәselen, jýrgizushiler qysta jyly kýrteshe kiyse, jazda olargha futbolka men kepka taratylady. Bir jýrgizushining kiyim jiyntyghy 40 myng tenge túrady.

Qazannyng sonyna deyin barlyq avtobus jýrgizushisi attestasiya ótedi. Qaladaghy  2500 jýrgizushi osy aidyng sonyna deyin test tapsyryp, halyqpen júmys istey alatynyn dәleldeui tiyis. Eng әueli, jýrgizushilerding jol erejesin qanshalyqty jetik biletini qadaghalanady. Keyin, psihologiyalyq saualdargha jauap beredi. Múnyng barlyghyna 50 minut uaqyt beriledi.

"Barlyghy 40 súraq, onyng 3-4 psihologiyalyq, yaghny jýrgizushi stersstik jaghdaylardan qalay shyghatyny tekseriledi. Sebebi әr týrli jolaushy bolady. Mas, ashushang sekildi jolaushylargha jýrgizushi qalay jauap beretinin baqylaymyz", - dedi Almaty kólik biliktilik ortalyghynyng atqarushy diyrektory Sәken Ormanbekov.

Test nәtiyjeleri avtopark iyelerine tapsyrylady. Sәtti tapsyrghan jýrgizushilerge sertifikat beriledi. Al attestasiyany tapsyra almaghandar dayarlyq kursynan ótedi. Avtobus tizginshilerin qayta dayarlau ýshin 40 saghat kóleminde oqytu kózdelip otyr. Oqu aqysy tasymaldaushy kompaniya men әleumettik baghdarlamalar basqarmasy esebinen tólenedi.

"Qazir qalada jolaushylardy tasymaldaugha kýn sayyn 1560 qoghamdyq kólik jolgha shyqsa, onyng 479 byltyr janarghan. Biyl 719 avtobusty zamanauy ýlgidegi jaylysyna almastyru kózdelip otyr. Sóitip, jyl sonyna deyin megapolisting avtobus parki 86 payyzgha janarady. Búl әlbette, kólikterding jýru jiyiligin jyldamdatyp, jolaushylardyng uaqyttaryn ýnemdeydi", - dedi "AlmatyElektroTrans" JShS diyrektory Rizvan SINAEV.

Taghy bir ózgeris, endi  túrghyndardy úrylardan saqtau ýshin, olardyng týr-әlpeti ashyq jariyalanady. Qazir bostandyqta jýrgen úrylardyng sureti qoghamdyq kólikterge qystyrylmaq.

"Jyl basynan bastap 350 úrlyqshy ústaldy. Olar 411 qylmys jasaghan. Qazirgi uaqytta bostandyqta jýrgen úrlyqshylardyng suretteri endi әrbir qoghamdyq kólikterde kórsetiletin bolady. Búl birinshiden, úrlyqtyng aldyn-alu sharalary bolyp tabylady. Atalghan úrlyqtardyng aldyn alu maqsatynda býkil Almatynyng qoghamdyq kólikterinde beynekameralar ornatylady", – dedi Almaty qalasy IID Jergilikti polisiya qyzmeti basshysynyng mindetin atqarushy Tórehan ISIYN.

Abai.kz