Týrkiya Bilim ministrligine tikeley baghynyshty bilim ordasy Qyghyzstanda birneshe jyl rúqsatsyz júmys istep kelgen. Qyrghyzstan Syrtqy ister ministrligining mәlimetine sәikes Qyrghyzstanda atalghan týrik mektebin ashu turaly rúqsattama joq. Ýkimetaralyq kelisim de jasalmaghan. Bishkek әkimdigining habarlauynsha, tipti búl mektepting qúrylysyna da rúqsat berilmegen. Búghan qaramastan atalghan týrik mektebi 2 gektar jerdi óz iyeligine alyp 1995 jyldan beri júmys istep keledi. Mektep janynda balabaqsha men liysey de ornalasqan.

Búl jayynda vesti.kg sayty jazady. Búl turaly qyrghyz deputattary da dabyl qaqty.

Janjalgha toly oqigha turaly mektep oqushysynyng anasy Janna (esim auystyrylghan) tolyqtay tarqatyp berdi. Búghan deyin oqushynyng anasyna «auyz bastyryq» ýshin aqsha úsynghan kórinedi. 9 jasar balagha «seksualdyq zorlyq» kórsetken Bishkektegi uniyversiytet ishindegi týrik mektebining basshysy búghan deyin ózge oqushylargha da jәbir kórsetken.  Jannanyng aituy boyynsha Omer Aydyn atalghan mektepti bir jarym jyl búryn basqarghan. Ol týrik mektebining basshylyghyna kelgen uaqyttan bastap mektep ishinde beybereket bastalghan kórinedi.  Ótken jyly bir әiel onyng eki nemeresine mektep diyrektorynyng seksuyldyq azghyndyq jasamaq bolghanyn aityp shaghymdanghanymen, is jýzinde esh dәleldey almaghan. «Sonynda diyrektor sýtten aq, sudan taza bolyp shygha keldi», - deydi jәbirlenushining anasy.

«Mening úlyma eki ret jaman niyette «tiyispek» boldy. Búl jaghday songhy ret oryn alghanda Omer Aydyn úlymdy zorlamaq bolghan, baqytyna oray bala dәl uaqytynda qashyp ýlgergen. Qazirgi uaqytta seksualdyq zorlyq kórsetu faktisine baylanysty tergeu jýrgizilip jatyr. Tergeu isine qajettiligi tuyndauy mýmkin degen maqsatta oqighany tolyqqandy bayandap bere alamyn. Eng bastysy balanyng búl jayttan qatty shoshynghanyn, aitqym keledi. Býginde balammen psihologtar júmys jasauda. Úlym tipti tuys er kisilerden de mektepke qayta barudan da qoryqady. Biz Lenin audandyq polisiya bólimshesine aryzymyzdy qaldyrdyq», - deydi.

Týrkiya elshisining kenesshisi  Omer Aydynnyng auyldasy ekenin naqtylanghan

Balanyng anasy mektep diyrektorynyng búl әreketin Qyrghyzstandaghy Týrkiya elshiligi jauyp, jasyryp otyr dep aiyptaydy. Tipti Qyrghyzstandaghy Týrkiya elshisining kenesshisi  Omer Aydynnyng auyldasy ekenin naqtylanghan.

«Maghan búl jaytty qayta qozghamauym ýshin Qyrghyzstandaghy Týrkiya elshiligining ókilderi aqsha úsyndy, alayda men bas tarttym», -  deydi Janna. Qazirgi uaqytta týrik mektebinde 200-den astam qyzghyz azamattary bilim aluda.

«Kóptegen ata-analar balalarynyng mektepten shettetilip ózderine Týrkiyagha kiruge tyiym salynatyn bolghandyqtan mektep diyrektorynyng ýstinen shaghyndanyp aryz jazugha qorqady. Búrynghy mektep diyrektory men múghalimderine eshqanday aryz-shaghymymyz joq bolatyn. Mektep ishindegi kelensizdikter Omer Aydyn basshylyqqa kelgennen keyin bastaldy.   Sonymen qatar Janna atalghan týrik mektebining qazirgi tanda zansyz júmys istep otyrghanyna senimdi. Búl mәselede bilim ministrligine jýgingen bolatynbyz, alayda ministrlik búl mektepting júmysy turaly eshteneden habarsyz bolyp shyqty deydi.Mektep әkimshiligi azamattardy Qyrghyzstan azamattyghynan bas tartyp Týrkiya azamattyghyn alugha mәjbýrleydi. Omer Aydyn býginde bizge IGIL jetispeydi dep te aitqan bolatyn. Búl sózime kuәger bolatyndar jeterlik. Onyng aituy boyynsha biz tym erkinsip ketkenbiz. Oghan әielderding shalbar nemese djinsy kiyip jýrgeni únamaytyn» deydi.

Janna mektep diyrektory Omer Aydynnyng ózinen jәne úlynyng aldynda resmy týrde keshirim súrauyn talap etedi.  Alayda qazirgi uaqytta Omer Aydynnyng elden qashyp ketkendigi turaly aqparatty rastaydy.

Janar Tileuberdi

Abai.kz