Qúryltaydyng «bolghanynan boladysy qyzyq boldy». Búghan deyin  «Abay.kz» aqparattyq portalynda kóterilgen «QAZAQ TAGhDYRYN ShEShPEYTIN QAZAQ QÚRYLTAYY BOLA MA?» degen túrghydaghy súraqqa jauapty 25 mamyrda bastalghan Dýniyejýzi qazaqtarynyng IV qúryltayy bere bastady. Kónilimiz kýpti bolarlyq kórinisti júrttan sýiinshi súraghanday habarlauymyz dúrys bolmas, biraq jan jabyrqatar  jaytty jasyra almaymyz.

Preziydentimiz Núrsúltan NAZARBAEVTYNG «Qazaqstan - әlemdegi barsha qazaqtyng qútty qara shanyraghy» degen teziske qúryltay barysynda kózimizdi jetkizgimiz kelgeni ras edi. Biraq...

Jiyngha jinalghan júrt kәzirgi astanalyq әdetke ainalghan qalyng tekseriske tap bolyp, úzyn shiratqa túrghanyn, orys tilinde qoqandaghan qauipsizdik mekemesining qazaq jigitterining sonday jatbauyr týrinen shoshyna, Tәuelsizdik sarayyna kirgenimiz әuelgi әueyi kónilimizdi sap basqanyn kimge aityp jatayyq. Onday-púndaygha ýirengen sәbiykókey  qazekenning kónilin eshtene de jabyrqatpady, kórmege qoyarday alashtyng kópten kórispegen atpal azamattary men azamatshalary, yghay men syghaylary bir birimen shúrqyray sәlemdesip, elsaraydyng ishi hanbazargha ainaldy da ketti...

Qúryltaydyng «bolghanynan boladysy qyzyq boldy». Búghan deyin  «Abay.kz» aqparattyq portalynda kóterilgen «QAZAQ TAGhDYRYN ShEShPEYTIN QAZAQ QÚRYLTAYY BOLA MA?» degen túrghydaghy súraqqa jauapty 25 mamyrda bastalghan Dýniyejýzi qazaqtarynyng IV qúryltayy bere bastady. Kónilimiz kýpti bolarlyq kórinisti júrttan sýiinshi súraghanday habarlauymyz dúrys bolmas, biraq jan jabyrqatar  jaytty jasyra almaymyz.

Preziydentimiz Núrsúltan NAZARBAEVTYNG «Qazaqstan - әlemdegi barsha qazaqtyng qútty qara shanyraghy» degen teziske qúryltay barysynda kózimizdi jetkizgimiz kelgeni ras edi. Biraq...

Jiyngha jinalghan júrt kәzirgi astanalyq әdetke ainalghan qalyng tekseriske tap bolyp, úzyn shiratqa túrghanyn, orys tilinde qoqandaghan qauipsizdik mekemesining qazaq jigitterining sonday jatbauyr týrinen shoshyna, Tәuelsizdik sarayyna kirgenimiz әuelgi әueyi kónilimizdi sap basqanyn kimge aityp jatayyq. Onday-púndaygha ýirengen sәbiykókey  qazekenning kónilin eshtene de jabyrqatpady, kórmege qoyarday alashtyng kópten kórispegen atpal azamattary men azamatshalary, yghay men syghaylary bir birimen shúrqyray sәlemdesip, elsaraydyng ishi hanbazargha ainaldy da ketti...

Bes jyldan keyin bas qosqan qúryltay bastalyp, sózdi alashtyng aqsaqalyna ainalghan, Qazaqstan preziydenti Núrsúltan Nazarbaev aldy. Ol Qazaqstannyng jiyrma jyldyq jenisi men jemisin bayandap, júrt onyng sózin auyq-auyq du qol shapalaqpen ýzip otyrdy. Preziydent «Núrly kósh» baghdarlamasynyng jana satysy keler jyldan bastalaryn, oghan mol qarjy bólinip, әsirese, shetten oralatyn qazaq jastaryna jol ashylaryn bayandady. Desek te, talay әlemdi astanagha jiyp sóilegende kósiletin qazaq kósemining dauysynan jarqyndyq angharylmady. Minbege shyqqan týri kelisken qytaylyq Tilepaldy aghamyz Qytay kompartiyasynyng sezinde oqylar bayandamasyn shatastyryp aldy ma, әlde reti solay ma, syqyighan sózderdi aghytyp, bizge úmyt bolghan jaryqtyq KSRO jiynyn eske bir salyp ótti. Oghan ne dersin, qazaqtardy baqylap, qytaylyq delegasiya sonynda ýsh-tórt qytay azamattary birge kelipti.

Sonymen, Dýniyejýzi qazaqtary qauymdastyghynyng tóraghasynan keyin tórt bes adam sóz alyp, aqyry ýzilis jariyalandy. Qúryltaydy ýzuge arandatqan reseylik qazaq qyz (әiel deuge auyz barmaydy) Núrghaysha Barynqyzynyng millionnan asa Reseydegi qazaqtarda eki-aq mektep baryn, mәdeniy-ruhany mәselelerdi, resmy bekitilgen «kezekshi mәtindi» bitire sala aghytqany sebep bolsa kerek.

Bir birin jana kórgen jýzdegen qazaq ýzilisti fotolasugha júmsap, kórisudi odan әri jalghady. Shetelden kelgen qazaq jastary Núraghamen suretke týsip qaryq boldy. Alayda, ol kisining ýziliste ketip qalghanyn tórdegi orynnyng bosaghanynan bir-aq  bildik.

Ýzilisten song tórt bes adam sóz aldy. Sóz jazushy Smaghúl Elubaygha berilgende kýbir-sybyr zal basyn kóterip elendesti. Smekeng sózin barynsha qazaqy jayttargha audarghan boldy, Ýrimjidegi qazaq konsuldyghynyng basshylary qyzmetten ketkeni jóninde habarlap, qytaylyq qazaqtardyng otangha oraluyna sanylau ashylghanyn jetkizdi. Alayda, ziyaly aghamyz kósilip, qazaq mәselesin ashu men sheshuge bara almay, sózin jyldam bitirdi. Ásirese, mәjilismen kókemiz Uәlihan Qalijan óz sózinde elbasynyng barlyq jetistigi men túlghasyn túrpattap túryp aldy. Núraghamyzdyng túlghasyna kýmәnmen qaraghan adam bolmasa da, Uәkenning mol sózi bar qazaqtan góri bir qazaqqa ghana oiysqany bir týrli boldy... Odan keyin minbege kóterilgen jurnalist aghamyz Sauytbek Ábdirahmanov aghay da osydan jiyrma jyl búrynghy bolghan Dýniyejýzi qazaqtarynyng alghashqy qúryltayyn ótkizu iydeyasynyng avtory Núrsúltan Ábishúly ekenine júrtty sendirumen әlekke týsti. Múnyng bәri nege kerek ekenin sózdi memlekettik hatshy Qanat  Saudabaev myrza alghanda úqqanday boldyq. Ol atalghan qúryltay manyzyn ashugha birshama sózin arnau kezinde auyzyna «DÝNIYEJÝZILIK QAZAQSTAN QÚRALTAYY» degen tirkesting týsuin bayqamady ma, kóp qazaqtyng jinalghanyna tolqydy ma, әlde tilining kelgeni sol ma, әiteuir, júrtty kýbirletip baryp, aqyrynda qauymdastyq tóralqa tóraghasyna taghy da bes jylgha Núlsúltan Nazarbaev kandidaturasyn úsyndy. Úsynys birauyzdan qabyldandy. 1-orynbasarlyq oryngha da Talghat Mamashev myrza qayta otyryp, qauymdastyqtyng saltanatty jiynyn jauyp tyndy.

Odan әri Kongress-holda qúryltay qatysushylaryna arnalghan týski as berildi. Alayda, ony «týski as» degennen góri әdettegi sharalarda ótetin shay-ýzilis deuge bolar - meymandargha ystyq as berilmedi. Byltyrghy OBSE kezindegi tonnalaghan taghamnyng qazaqtyng bas jiynyna qatysushylardyng týsine de kirmegeni mәlim boldy.

Sonymen, qúryltay jalghasuda, baghdarlama boyynsha qashan jabylary belgisiz. Sebebi, on kisining ghana sóz alyp, shala sóilegenin qúryltaydyng kýn tәrtibi deuge kelmeydi: eshbir mәsele kóterilip, onyng sheshilui talqygha týsken joq jәne T.Mamashevtyng sózimen aitqanda saltanatty jiyn ghana jabyldy, al qúryltay jabyldy dep jariyalanghan joq.

Býgin, yaghny 26 mamyrda sheteldik qazaqtar astananyng kórikti oryndaryn aralap, «Etnoauyldy» tamashalaydy, qala әkimining qabyldauynda bolyp, ministrlikterde kezdesuler ótkizedi, odan әri sport keshenderine barady; 27 mamyrda sheteldik qandastarymyz Últtyq sport oiyndaryn tamashalaydy, qolóner sheberlerining kórmesin kóredi, odan ary jyr mýshәirasy men qazaq jastarynyng konserti, sosyn keshke qaray «Diskoteka»; 28-ne qonaqtardy shygharyp salu - osymen bitti!

Qoryta kelgende, bolyp ótken shara - «Dýniyejýzi qazaqtarynyng qúryltayy ma, әlde sheteldik qazaq delegasiyalarynyng Astanagha kelip ketui me?» degen saual tuyndady. Ony oqyrmannyng ózi baghamdasyn.

«Abay aqparat»,

Qazaqstan. Astana. Tәuelsizdik sarayy - Kongress-hol