Qazaq bolyp qalu ýshin Qazaqstangha kóshken edik, endi ...

Absurd pen logikagha qisynsyz sheshimderden keyin Qazaqstanda ómir sýrging de kelmeydi eken. Sheneunikter de adamdar ghoy. Basshylyq aitty eken dep absurd bolsa da búiryqtardy orynday beruine tanmyn. Qazaqstan - Núrsúltan dep úrandatuy, elding qalauy sol dep kórsetuge tyrysuy kәdimgidey ashuyndy keltirip, jiyirkenish ornata eken. Elden jastardyng jappay shetelge kóshuine osy da iytermeleydi.

Shetelge ketkisi kelip jýrgen azamattardyng sany artyp jatqany ókinishti. Songhy bir aptadan beri dostarymnyng jәne mýlde maghan tanys emesterding arasynda AQSh-qa kelgisi keletinderding kóbeygeni bayqalyp jatyr. Jeliler arqyly jazyp, viza turaly saualdaryn jiberip jatyr. Ózim de oqudan keyin, elge qaytpay, osynda qaludy ne Europagha ketudi "oylay" bastadym. Oilay bastadym, sheshken joqpyn.

Halyqpen sanaspaytyn ýkimet pen biylikti biz saylamadyq. Biraq olar bizden súramay, biz ýshin sheshim qabyldaydy. Óz bilgenderin jasaydy. Qalay onday qoghamda ómir sýruge bolady?! Qantógis jasamayyq deymiz. Qantógis bolmaydy, eger biylik qaruly kýshpen beybit sherulerdi toqtatugha talpynbasa.

Men Ózbekstannan kóshken qazaqpyn. Áke-sheshemning Tashkentte túraqty júmystary bar bolatyn. Ýiimiz bolyp, esh narseden qysylmay ómir sýrgenbiz. Biz de Ózbekstandaghy qazaq tilinde oqytatyn jalghyz mektep-internatynda oqydyq. Býgingi jetistikterimdi dәl sol mektepte alghan bastapqy bilimimning arqasy dep bilemin. Biraq bala kezimizde әkem bizdi bolashaqta "ózbek" bolyp ketpesin dep, bәrin tastap, Qazaqstangha kóshuge sheshken. "Ákemning eng dúrys sheshimi" osy boldy dep bilemin. Tashkenttegi ýiimizding qúny Shymkentte jer alugha ghana jetken. Jergilikti qazaqtardy kóre almay jekiretin, oralmandargha aqshalay beriletin "kvotany" alu ýshin de әkem jýzdegen kereksiz qújat jinap, kvotanyng bir bóligin kósh-qon qyzmetkerine amalsyz beruine tura kelgen. Ol kezde bala edim. Kópti týsinbeytinmin. Biraq әkemning sony aityp, bir ashulanghany esimde. Qazir ol korrupsiya biyikting biyigine jetip ýlgerdi. Odan ary baratyn nýktesi qalmady.

Elde bastapqyda qiyn bolghan bolsa da, kónip, beyimdelip, ósip, býgingi dengeyge deyin jettik. Agham - ofiyser, qaryndasym da, men da joghary bilim aldyq. Jurnalistikagha den qoyyp, әdildik pen tendik ýshin kýresuge az da bolsa at salysqanym bar. Bir sózben aitqanda, júmys istep, qoldan kelgenshe algha úmtylyp, әke-sheshemizdi quantyp jýrmiz. Qazaq bolyp qalu ýshin Qazaqstangha kóshken edik. Endi absurd biylikting mynaday qylyqtary qazaq bolyp qalu ýshin "elden kóshu" siyaqty oigha barugha iytermeleydi eken.

"Biraq sen bolmasan, kim?" degim de keledi. Árqaysymyz bolmasaq, kim absurd biylikpen kýresedi. Kim sóz bostandyghy ýshin, azat tandau pen ashyq biylik ýshin kýresedi?

P.S. Bir narse anyq, múnday absudrizm kóp uaqytqa deyin jalghasyn tappaydy. Mitingter jalghasa beredi. Polisiya qyzmetkerleri olardy qúryqtay beredi. Biraq ol kópke barmaydy. Bәribir halyqpen sanasugha tura keledi. Biylikting odan basqa amaly joq. Odan basqa joly da joq. Bar. Tek ketudi úigharsa ... Al onday tolyq tranzitti kórip túrghan joqpyz!!!

Joldas Órisbaevtyng facebook paraqshasynan

Abai.kz