Сот Илмияновты "алаяқтық" бабы бойынша кінәлі деп таныды. Оған 180 мың сом (2600 доллар) айыппұл салынады.

23 қазанда өткен сот отырысында мемлекеттік айыптаушы бұрынғы шенеунікті 7,5 жылға соттауын сұраған. Сотталушы соңғы сөзінде кінәсі дәлелденбегенін айтып, соттан әділ шешім шығаруын өтінген.

Сот үкімі оқылған соң Илмиянов журналистерге сот шешімімен келіспейтінін мәлімдеді. Ол адвокатымен әрі қарай не істеу керектігін ақылдасқысы келеді.

Икрамжан Илмиянов – бұрынғы президент Алмазбек Атамбаевтың сенімді адамдарының бірі. Ол мемлекет басшысы аппаратының басшысы орынбасары және президент кеңесшісі қызметтерін атқарған. Илмиянов сол кезде елдегі ықпалды адамдардың бірі болған.

Бас прокуратура 2018 жылы 28 қыркүйекте оған қарсы қылмыстық іс қозғады. Тергеу мәліметі бойынша, Илмиянов президент аппараты басшысының орынбасары қызметін атқарып жүрген уақытта бір кәсіпкерден 150 мың доллар пара алған.

Abai.kz