Мемлекеттік мекеме жейрандарды Ыстықкөлдің солтүстік жағалауына, Орто-Токой су қоймасының оңтүстік-батыс жағына жіберуді көздеп отыр.
"Осы жер жейрандардың өмір сүруіне ыңғайлы. Жақын маңда Орто-Токой су қоймасы бар. Өткен ғасырдың 30-70-жылдары мұнда жейран болған" деді агенттік басшысы Мирслав Аманкулов.
80-жылдары жейран саны күрт кеміген. Қазір мұнда жейран қалмаған.
Агенттік мәліметі бойынша, Қырғызстан мен Қазақстан 50 жейран алу туралы хаттама қабылдаған. Қазір соған байланысты келіссөздер жүріп жатыр.
Жейран Қырғызстанның Қызыл кітабына енген. Оны атқандарға бір миллион сом айыппұл салынады.
Abai.kz
