Телекоммуникация компанияларының қызметкерлері арасында «Тіл тұтастығы-ел тұтастығы» атты Тілдер фестивалі өтеді.
|
ҚАЗАҚСТАН РЕСПУБЛИКАСЫ БАЙЛАНЫС ЖӘНЕ АҚПАРАТ МИНИСТРЛІГІ |
|
МИНИСТЕРСТВО СВЯЗИ И ИНФОРМАЦИИ РЕСПУБЛИКИ КАЗАХСТАН
|
|
010000, Астана қаласы, Орынбор көш., № 8 үй, тел.: +7(7172) 74-10-08, e-mail: mci@mci.gov.kz |
|
010000 город Астана, ул. Орынбор, дом № 8, тел.: +7(7172) 74-10-08, e-mail: mci@mci.gov.kz |
БАСПАСӨЗ РЕЛИЗІ
|
ҚАЗАҚСТАН РЕСПУБЛИКАСЫ БАЙЛАНЫС ЖӘНЕ АҚПАРАТ МИНИСТРЛІГІ |
|
МИНИСТЕРСТВО СВЯЗИ И ИНФОРМАЦИИ РЕСПУБЛИКИ КАЗАХСТАН
|
|
010000, Астана қаласы, Орынбор көш., № 8 үй, тел.: +7(7172) 74-10-08, e-mail: mci@mci.gov.kz |
|
010000 город Астана, ул. Орынбор, дом № 8, тел.: +7(7172) 74-10-08, e-mail: mci@mci.gov.kz |
БАСПАСӨЗ РЕЛИЗІ
Телекоммуникация компанияларының қызметкерлері арасында «Тіл тұтастығы-ел тұтастығы» атты Тілдер фестивалі өтеді.
Қазақстан Республикасы Байланыс және ақпарат министрлігінің бастамасымен дәстүрлі түрде бесінші рет ұйымдастырылып отырған «Тіл тұтастығы-ел тұтастығы» атты Тілдер фестивалі Қазақстан Республикасы Тәуелсіздігінің 20 жылдығына арналуда. Елбасы Н.Ә.Назарбаевтың Жарлығымен бекітілген Қазақстан Республикасында тілдерді дамыту мен қолданудың 2011-2020 жылдарға арналған Мемлекеттік бағдарламасын және 28.01.2011 жылғы Қазақстан халқына арнаған кезекті Жолдауында айтылған мемлекеттік тілге қатысты іс-шараларды жүзеге асыруға ықпал ететін фестиваль биылғы жылы 8-ші қыркүйекте Петропавл қаласында өтеді.
«Қазақтелеком» АҚ, «Қазпочта» АҚ, "GSM Қазақстан" ЖШС, «Кар-Тел» ЖШС, «ҚазТрансКом» АҚ және «АЛТЕЛ» АҚ секілді еліміздің телекоммуникация саласындағы ірі алты компания қызметкерлері мемлекеттік тілді меңгеру деңгейлерімен өз біліктіліктерін сынға салатын фестивальге ҚР Парламентінің депутаттары, ҚР Байланыс және ақпарат министрлігінің, Солтүстік Қазақстан облысы әкімдігінің өкілдері қатысып, төрелік етеді.
Қазақстан Республикасының заңнамасына сәйкес, әрбір азамат өзі өтініш бідірген тілде тиісті ақпаратты алуға құқылы. Осы орайда, байланыс операторлары халыққа қызмет көрсету бойынша алдыңғы қатарда тұр. Сондықтан, байланыс саласының қызметкерлері орыс тілін ғана емес, мемлекеттік тіл-қазақ тілін де еркін меңгерулері тиіс.
Мерекелік шара аясында көрме ұйымдастырылып, фестивальге қатысушылар «Ең үздік команда» атағы үшін сайысқа түседі. Сайыс театрландырылған қойылым, «Компания өмірінен бір күн» және жеке творчестволық сайыс кезеңдерінен тұрады.
Сайыс қорытындысы бойынша, әділқазылар алқасының шешімімен, сонымен қатар Тілдер Фестивалінің биылғы ұйымдастырушысы «АЛТЕЛ» АҚ-ның бастамасымен алғаш рет Ауыспалы Жеңімпаз Кубогы - Жеңімпаз деп танылған командаға табыс етіледі. Фестиваль жеңімпазының кубогы жыл бойы сақталып, келесі жылғы кезекті Тілдер Фестивалінің жеңімпазына салтанатты түрде беріледі.
Фестиваль телекоммуникация саласындағы мемлекеттік тілдің қолданылу аясын кеңейтіп, оның әлеуметтік-коммуникативтік функцияларын және ел Конституциясына сай қазақ тілінің мемлекеттік тіл ретіндегі мәртебесін арттыра түсуге ықпал етпек.
ҚР БАМ Баспасөз қызметі
/7172/ 74-10-04
