Ол қорға 10 миллиард доллар салады. Бұл туралы Безос Инстаграмда хабарлады. "Жер — біздің ортақ мекеніміз, оны бірге қорғайық", - деп жазды ол.
Гранттар ғалымдарға, белсенділерге, үкіметтік емес ұйымдарға бөлінеді. Безостың айтуынша, ол "табиғатты сақтап қалуға көмектесетін кез-келген әрекетті қолдауға дайын".
Forbes мәліметі бойынша, Джефф Безос әлемдегі ең бай адам. Оның 130 миллиард доллары бар. Осыдан екі жыл бұрын ол екі миллиард долларды үйсіздерді қолдау мен білім беру бағдарламасын дамытуға бөлген.
Abai.kz
