"Америка дауысының" үкімет құжаттарына сілтеме жасап хабарлауынша, Калифорнияда жасалатын елу аппарат сәрсенбі күні Мәскеуге жолданады. 26 мамырда тағы 150 аппарат Ресейге беріледі.
АҚШ үкіметі жасанды тыныс алу аппараттарының ақысы мен жеткізу құнын төлеген. Осы мақсатқа 4,7 миллион доллар бөлінген.
Аппараттар Ресейге әскери авиациямен жеткізіледі, өйткені қазір Ресей мен АҚШ арасында ешқандай коммерциялық рейс ұшып жатқан жоқ.
АҚШ әкімшілігі бұл аппараттар Ресей тұрғындарына арналғанын, мұндай шешім Ресей әскерилерімен әріптестік орнатуды білдірмейтінін мәлімдеген.
Abai.kz
