"Қаржылық жағдай - талантқа кедергі келтірмейді" - БЦП диагнозымен қазақстандық халықтың осал топтарының жастарына көмектеседі

Жас ұрпақ - кез келген мемлекеттің болашағы, ал дарынды және болашағы бар жастар - кез келген елдің гүлденуінің кепілі. Сондықтан да біздің кейіпкеріміз, белсенді және қоғам қайраткері Әлия Сүлейменова талантты жас қазақстандықтардың әлеуетін ашуда өз қызметін арнай отырып, осындай жауапты және күрделі жолды таңдады.

Биылғы жылы ҚР Ақпарат және қоғамдық даму министрлігінің қолдауымен "Азаматтық бастамаларды қолдау орталығы" КЕАҚ мемлекеттік гранты шеңберінде "Логос-Қарағанды мүгедектерді оңалту орталығы" қоғамдық бірлестігі  "Шығармашыл жастарды қолдау бойынша іс-шараларды ұйымдастыру" әлеуметтік жобасын іске асырады.

Гранттың арқасында жобаны жүзеге асыру үшін қандай мүмкіндіктер ашылғанын және жас таланттарды қолдауда қандай векторлар анықталғанын кейіпкеріміз айтып берді.

Әлия Сүлейменова 2013 жылы өзі құрған "Логос-Қарағанды мүгедектерді оңалту орталығы" қоғамдық бірлестігінің төрағасы болып табылады. Ол бала кезінен бастап I топтағы мүгедектікті - балалардың церебральды параличі (БЦП) анықталғанына қарамастан, мұқтаж адамдарға көптен бері көмек көрсетеді.

"Шығармашыл жастарды қолдау бойынша іс-шараларды ұйымдастыру" жобасы аясында бірлестік 2020 жылдың 16 сәуірінде "Қазақстан Республикасының шығармашыл жастарын қолдау үшін гранттар конкурсының" басталуы туралы жариялады. Конкурс жеңімпаздарына басым бағыттар бойынша шығармашылық саласындағы республикалық және халықаралық байқауларға мен фестивальдарға қатысу үшін гранттар беріледі. Байқау аясында республикалық байқауларға 30 жеңімпаз анықталады, олар 200 000 мың теңгеден шағын грант алады, халықаралық байқауларға 20 жеңімпаз 700 000 теңгеден алады. Грант қаражаты мынадай мақсаттарға пайдаланылуы мүмкін: байқауға қатысуға нысаналы жарна,  жол жүру, тұру, трансфер, виза, медициналық сақтандыру немесе байқауға қатысу үшін қажетті құрал-жабдықтар (негіздеме бойынша), конкурстық костюм. Гранттарды бөлу байқаулық іріктеу негізінде жүзеге асырылады. Жобаларды байқаулық іріктеу келесі бағыттар бойынша жүзеге асырылады: музыка, хореография, театр, кино, цирк өнері, әдебиет, бейнелеу өнері, сәулет, дизайн.

"Байқаудың негізгі міндеттері дарынды жастарды анықтау және республикалық және халықаралық байқауларға қатысу үшін шағын гранттармен қамтамасыз ету, сондай-ақ қазақстандық мәдениетті шетелде насихаттау; мәдениетаралық коммуникацияларды нығайту болып табылады. Сонымен қатар, әлеуметтік жағынан осал жастарға көмек көрсету, шығармашылық әлеуетті қолдау және республикалық және халықаралық іс - шараларға қатысу мүмкіндігін қамтамасыз ету басты мәселе болып табылады" - деді Әлия Сүлейменова.

"Адамдарға көмектесу - бұл әрдайым өте жоғары, өте жауапты мақсат. Кейбір сәттерде көмексіз болмайды. Сондықтан ҚР Ақпарат және қоғамдық даму министрлігінің қаржылық қолдауымен "Азаматтық бастамаларды қолдау орталығы" КЕАҚ мемлекеттік гранты дарынды жастарды ғана емес, сонымен қатар қоғамдық бірлестіктің өзінің қызметіне де көмектеседі".

Бірлестік шығармашылық жастарды алдағы уақытта да елшілік, халықаралық ұйымдар, ірі қазақстандық компанияларды тарта отырып, қолдауды жоспарлап отыр.

"Біздің жобамыздың арқасында біз неғұрлым дарынды жас балаларды анықтап, олардың әлеуетін аша аламыз деп сенемін, - деді Ол.

#cisc2020 #qogamgov

Abai.kz