Қоштасу рәсіміне тек туысқандары мен жақындары ғана қатысты.

Хьюстон полициясы аза кортежін Пирленд қаласына дейін жеткізді. Ол жерде Флойдтың сүйегін анасының жанына жерледі. BBC, CNN, Euronews, SkyNews және өзге де БАҚ шараны тікелей эфирден көрсетті.

8 маусымда Миннеаполисте Флойдтың өліміне айыпталған полиция қызметкері Дерек Човиннің соты басталды. Ол абақтыдан сотқа видеобайланыс арқылы қатысты. Келесі сот отырысы 29 маусымда өтеді.

Миннеаполисте қалалық кеңестің 12 мүшесінің 9-ы қалалық полиция реформаға мұқтаж екенін қолдаған.

Джордж Флойд 25 мамырда көз жұмған. Оның өліміне қатысы бар деген күдікпен төрт полиция қамауға алынған.

Abai.kz