Осыған дейін Денсаулық сақтау министрлігі елімізде карантиндік шектеулер біршама жұмсартылатыны туралы хабарлаған еді. Бүгін өткен Үкімет отырысында министр Алексей Цой 3 тамыздан бастап жұмысын қайта бастайтын салалар туралы айтыпты.

«Санитарлық және дезинфекциялық режимді сақтап, бетперде тағып, әлеуметтік қашықтықты ұстану керек. Егер 2020 жылдың 3 тамызында елде инфекцияның репродуктивтік деңгейі азайса, бір апта ішінде ауруханалардағы төсек-орындар босап, науқастар 70%-дан төмен болса, осы аурудың өлім-жітім динамикасы төмендеп, жағдай тұрақталса, онда бірқатар инфрақұрылым нысандарының жұмысына рұқсат етіледі», - депті министр.

Сонымен, 3 тамыздан бастап кімдердің жұмысына рұқсат?  

– Сауда үйлері, сауда-ойын-сауық орталықтары, жабық азық-түлік, азық-түлікке жатпайтын базарлар,

– балаларға арналған коррекция кабинеттері, білім беру орталықтары, балаларды дамыту орталықтары, 5 адамнан аспайтын үйірме топтарына,

– мектепке дейінгі мекемелердегі кезекші топтарға;

– сұлулық салондары, шаштараздар, косметикалық қызметтер, маникюр, педикюр қызметтерін көрсететін орталықтар мен сүлулық салондарының қызметіне,

– әлеуметтік қашықтықты сақтай отырып, таза ауада жеке және топ болып спорт жаттығуларымен айналысуға;

– 30 адамнан аспайтын ұтттық құрама командаларға арналған спорттық жаттығуларға;

– 3 адамнан аса топтаспай, адамдарға көшеде, саябақтарда қыдыру, алаңдарға және жағалауға баруға рұқсат.

– Мемлекеттік қызметкерлер мен кеңсе қызметкерлерінің кемі 80%-ы қашықтан жұмыс жүргізеді.

Бетперде тағу, санитарлық және дезинфекциялық режимді сақтай отырып, кондукторы бар қоғамдық көліктерге жолаушылар санын 50%-дан асырмау міндетті.

Қандай нысандардың жұмысына рұқсат жоқ? 

– Жаппай адам жиналатын шараларға, кинотеатрлар, фудкорттар, көңіл көтеретін ұйымдар, банкет залдары, ресторындар, барлар, түнгі және ойын клубтарының жұмысына,

– мәдени шаралар, конференция өткізу, форум, көрме өткізуге,

– фитнес орталықтар, бассейндер, аквапарктер, саяжайлардың жұмысына,

– діни нысандардың жұмысына,

– қала маңындағы жолаушылар поездарының (жұмыс поездарынан басқа электр пойыздарының) қозғалысына әлі де тыйым салынады.

Abai.kz