Қырғызстанның Ұлттық қауіпсіздік бойынша мемлекеттік комитеті бұрынғы депутат Өмірбек Бабановқа қатысты істің тоқтатылғанын мәлімдеді. Бабанов мемлекеттік бюджетке өз еркімен 100 млн сом қаржы аударған.

"Өмірбек Бабанов пен оған тиесілі болған қаржылық құрылымдарға ашылған іс заң аясында қарастырылып, мемлекетке, заңдық тұлғалар мен азаматтарға келтірген зияны жоқтығы дәлелденіп, іс тоқтатылды", - делінген ресми хабарламада.

Бабановтың мемлекеттік бюджетке аударған қаржысы тәркілеу емес, өз еркімен берген қаражат. Ол бұл қадамға мемлекетті қолдау үшін барған. Саясаткер өз еркімен 100 млн сом, теңгеге шаққанда 498 млн аударған. Бабановқа бұған дейін мемлекеттік билікті күшпен басып алмақ болды деген айып тағылған еді.

Abai.kz