Путинге президенттік сайлауға түсуге заңмен рұқсат етілді
Ресейдің Мемлекеттік Думасы үшінші оқылымда Путинге тағы екі мәрте президенттік сайлауға түсуге рұқсат ететін заңды қабылдады. Парламенттегі отырыс тікелей эфир арқылы көрсетілді.
Заң Конституциялық өзгерістер негізінде қабылданып отыр. Федерация Кеңесі заңды 31 наурызда талқыдан өткізбек.
Ресейдің қайта қабылданған Конституциясы негізінде Путиннің бұрынғы президенттік мерзімдері саналмайтын болды. Сондықтан Путин тағы екі рет президенттік сайлауға түсе алады. Енді бұл өзгерістер заңмен бекітілді.
Abai.kz
