Украина Ресейді «әскери қарсылас» деп бекітті
Украина президенті Владимир Зеленский «Мемлекеттің әскери қауіпсіздігі туралы стратегияны» бекітті. Стратегияда Ресей Украинаның әскери қарсыласы деп жазылған.
Құжаттың мәтіні Украина президентінің сайтында жарияланған.
«Ұлттық деңгейде Ресей Федерациясы Украинаның әскери қарсыласы болып қалуда», - делінген құжатта.
Құжатта Ресей Украинаның аумақтық тұтастығы мен тәуелсіздігіне қауіп төндіруші актор ретінде аталады.
Киев Ресейдің әрекеттеріне қарсы жауап тек қана Батыс әлемімен интеграцияға түскен сәтте болатынын айтуда.
Abai.kz
