Ресейде Навальный жақтастары оны түрмеден босатуын талап етіп, жүздеген мың адам қатысатын митинг ұйымдастырмақ.

Бұл туралы саясаткердің сайтында жарияланған. Навальный жақтастары тек қана 500 мың адам жиналған сәтте митингтің қайда, қашан өтетінін жарияламақ ниетте.

Митингіге барғысы келетіндерді тіркеу үшін жаңа сайт ашылған, дегенмен акция туралы хабар шыға салысымен Ресей аумағында ол сайт бұғатталды. Навальный жақтастары бұл митинг Ресей тарихындағы ең ауқымды болмақ деген ойда.

«Алайда бұл митингтен кейін Навальный босап шықпайтыны белгілі, сондықтан басқа да шаралар ұйымдастырамыз», - деді жақтастары.

Алексей Навальныйды соттағаны үшін Батыс елдері Ресейге санкция салды.

Abai.kz