«Жандану әлемі» қорының басшысы, экс-президенттің кенже қызы Әлия Назарбаева қытай вакцинасын салғызды. Бұл туралы Назарбаева instagram парақшасында мәлімдеді. 

«Вакцина туралы әр түрлі пікірлер бар және бұл туралы әркім өзі шешім қабылдауға құқылы.
Мен демалыста болғанда, қытай вакцинасын салғыздым. Өзімді жақсы сезінемін.
Бірақ денсаулықтың басты кепілі - белсенді өмір салты, күн және бәріне деген позитивті көзқарас»,- деп жазды ол.

Айта кетейік, бұған дейін ҚР Денсаулық сақтау минстрі Алексей Цой Қазақстан Қытайдың Sinovac вакцинасының 3 млн дозасын, ресейлік «Спутник Лайттың» 1 млн дозасын сатып алатынын айтқан болатын.

Ал, жалпы жыл соңына дейін  6 миллион азаматқа коронавирусқа қарсы екпе салу жоспарланып отыр.

Abai.kz