«جاندانۋ الەمى» قورىنىڭ باسشىسى، ەكس-پرەزيدەنتتىڭ كەنجە قىزى ءاليا نازارباەۆا قىتاي ۆاكتسيناسىن سالعىزدى. بۇل تۋرالى نازارباەۆا instagram پاراقشاسىندا مالىمدەدى. 

«ۆاكتسينا تۋرالى ءار ءتۇرلى پىكىرلەر بار جانە بۇل تۋرالى اركىم ءوزى شەشىم قابىلداۋعا قۇقىلى.
مەن دەمالىستا بولعاندا، قىتاي ۆاكتسيناسىن سالعىزدىم. ءوزىمدى جاقسى سەزىنەمىن.
بىراق دەنساۋلىقتىڭ باستى كەپىلى - بەلسەندى ءومىر سالتى، كۇن جانە بارىنە دەگەن ءپوزيتيۆتى كوزقاراس»،- دەپ جازدى ول.

ايتا كەتەيىك، بۇعان دەيىن قر دەنساۋلىق ساقتاۋ ءمينسترى الەكسەي تسوي قازاقستان قىتايدىڭ Sinovac ۆاكتسيناسىنىڭ 3 ملن دوزاسىن، رەسەيلىك «سپۋتنيك لايتتىڭ» 1 ملن دوزاسىن ساتىپ الاتىنىن ايتقان بولاتىن.

ال، جالپى جىل سوڭىنا دەيىن  6 ميلليون ازاماتقا كوروناۆيرۋسقا قارسى ەكپە سالۋ جوسپارلانىپ وتىر.

Abai.kz