Отандық коронавиурсқа қарсы QazVac вакцинасын жасаған ғалымдардың айлығы көтеріледі. Бұл туралы Білім және ғылым министрлігі Ғылым комитетінің төрағасы Жанна Құрманғалиева айтты.  

"Ғалымдардың айлығын көтеруге тиісті қаражат бөлінді. Жақында республикалық бюджетті қарау комиссиясы бұл әрекетті дұрыс деп тапты. Жалпы институт қызметкерлерінің орташа жалақысы 325 мыңнан басталады. Институттағы әкімшілік қызметкерлері мен қызмет көрсетуші персоналдың айлығы 250 мың теңге болмақ", - деді Жанна Құрманғалиева.

2022-2024 жылдары мемлекеттің биологиялық қауіпсіздігін қамтамасыз ету үшін ғылыми зерттеулерге  2,8 млрд теңге бөлінбек.

Abai.kz