Чадтың президенті Идрис Деби демалыс күндері көтерілісшілермен болған атыс барысында ауыр жарақат алып, кеше көз жұмды. Бұл туралы Чадтың қорғаныс министрлігі хабарлады. 

Деби өткен аптада нәтижелері белгілі болған президенттік сайлауда алтыншы мәрте жеңімпаз атанған болатын. Президенттің қазасына байланысты Чадтың Үкіметі мен Парламенті таратылды. Елде төтенше жағдай жарияланып, шекара жабылды.

68 жастағы Деби елді 30 жыл басқарды. Ол билікке 1990 жылы көтеріліс арқылы келген. Елді уақытша оның ұлы басқармақ. Дебидің басқару кезеңін Батыстық сарапшылар диктаторлық деп баға беруде.

Abai.kz