26 сәуір күні елімізде отандық QazVac вакцинасын егу шаралары басталды. Бірінші болып отандық вакцинаны тікелей эфирде Денсаулық сақтау министрі Алексей Цой қабылдады. 

Вакцинаны алғаннан кейін министр 30 минут дәрігерлердің бақылауында болды. Министр вакцинадан кейін өзін жақсы сезінетінін айтты. Екінші дозаны министр 16 мамыр күні алатын болды.

"Вакцинаны алғаннан кейін екпе алған жерге су тигізбеу керек. Вакцина қабылдаған соң бір сағаттан кейін ыстық түсіретін дәрі қабылдаған жөн. Үш күн бойы адамда жеңіл тұмау форматында ауырсыну байқалуы мүмкін. Сондай-ақ ішімдік ішуге болмайды", - деді медбике.

Отандық вакцинаның алғашқы 50 мың дозасы еліміздің барлық аймақтарына жіберілді.

Abai.kz