Цифрлық даму, инновациялар және аэроғарыш өнеркәсібі министрі Бағдат Мусин ауылдағы интернет мәселесіне қатысты сөз қозғады. Ол өз ойын Мәжілістің арнайы отырысында айтқан. 

«Қазіргі кезде 1200 ауылда интернет мүлдем жоқ. Ал 510 ауылда интернет сапасы өте төмен. Сондықтан біз алдымен 2022 жылдың соңына дейін осы 500 ауылға сапалы интернет беруді жоспарлап отырмыз. Сол кезде 1200 ауылға да интернет беріледі. Бірақ оны One Web технологиясы арқылы жеткіземіз», – деді Мусин.

Естеріңізде болса бұған дейін Үкімет басшысы Асқар Мәмин еліміздегі 90% елді-мекен сапалы интернетпен қамтамасыз етілген деп мәлімдеген болатын.

Abai.kz