Қазақстан Үкіметі касса аппаратын және төлем карточкаларын қолдана отырып төлемдерді қабылдауға арналған құрылғыны пайдалану туралы заң бұзушылықтар туралы хабарлаған адамдарға сыйақы төлеу ережесін бекітті.

Ережеге сәйкес заң бұзушылық фактілері туралы хабарлаған адамға заң бұзушылық расталса 1000 теңге көлемінде сыйақы беріледі.

Заң бұзушылық фактілері туралы аумақтық мемлекеттік кірістер органдарына мобильді қосымша арқылы мәліметтерді толтыру арқылы хабарлауға болады. Егер заң бұзушылық туралы хабарламаны алғаннан кейін аумақтық мемлекеттік кірістер органы заң бұзушылық фактісін растаса, кәсіпкер әкімшілік жауапкершілікке тартылады. Заң бұзушылыққа чек бермек, төлем картасын қабылдаудан бас тарту жатады.

Abai.kz