قازاقستان ۇكىمەتى كاسسا اپپاراتىن جانە تولەم كارتوچكالارىن قولدانا وتىرىپ تولەمدەردى قابىلداۋعا ارنالعان قۇرىلعىنى پايدالانۋ تۋرالى زاڭ بۇزۋشىلىقتار تۋرالى حابارلاعان ادامدارعا سىياقى تولەۋ ەرەجەسىن بەكىتتى.

ەرەجەگە سايكەس زاڭ بۇزۋشىلىق فاكتىلەرى تۋرالى حابارلاعان ادامعا زاڭ بۇزۋشىلىق راستالسا 1000 تەڭگە كولەمىندە سىياقى بەرىلەدى.

زاڭ بۇزۋشىلىق فاكتىلەرى تۋرالى اۋماقتىق مەملەكەتتىك كىرىستەر ورگاندارىنا ءموبيلدى قوسىمشا ارقىلى مالىمەتتەردى تولتىرۋ ارقىلى حابارلاۋعا بولادى. ەگەر زاڭ بۇزۋشىلىق تۋرالى حابارلامانى العاننان كەيىن اۋماقتىق مەملەكەتتىك كىرىستەر ورگانى زاڭ بۇزۋشىلىق فاكتىسىن راستاسا، كاسىپكەر اكىمشىلىك جاۋاپكەرشىلىككە تارتىلادى. زاڭ بۇزۋشىلىققا چەك بەرمەك، تولەم كارتاسىن قابىلداۋدان باس تارتۋ جاتادى.

Abai.kz