Журналист Ербол Мәндібек "Ел тірегі" атты тіркелмеген партия қатарынан кеткенін жариялады. Бұған дейін ол Қазақстандағы шенеуніктердің ұшақпен ұшуына миллиондаған доллар кететінін жазып, қоғамда талқы тудырған еді.

"El Tiregi партиясынан ресми түрде кеттім.
Үш ай бұрын осындай шешім қабылдағанымды жасырмай жариялаймын. Бұның саяси, материалдық астары жоқ.
Мемлекеттің, қоғамның тұрақты дамуына мен де бір кісідей мүдделімін.
Бұдан былай әлеуметтік жобалармен шұғылданамын. Қоғамның тұрақтылығын нығайтуға қатысты идеяларды іске асырамын.
Ескерту: Осылайша, отбасымның, ағайын-туысымның тілегін орындадым. Маған ең қымбат адамдар.
Алдағы күндері танымал ютуберлердің біріне көлемді сұхбат беремін. Сол жерде барлығын ашық, ашып айтамын.
Саяси таңдауым өзгеруі де ғажап емес)))
Ең бастысы, мемлекеттің эволюциялық жолмен дамуына жан-жақты күш саламын.
Құр айқаймен іс өнбейді. Қазақстанда оппозиция бар ма? деген сұрақтан басқасының бәріне жауап беруге дайынмын", деп жазды ол өзінің Фейсбук парақшасына.

Abai.kz