جۋرناليست ەربول ماندىبەك "ەل تىرەگى" اتتى تىركەلمەگەن پارتيا قاتارىنان كەتكەنىن جاريالادى. بۇعان دەيىن ول قازاقستانداعى شەنەۋنىكتەردىڭ ۇشاقپەن ۇشۋىنا ميلليونداعان دوللار كەتەتىنىن جازىپ، قوعامدا تالقى تۋدىرعان ەدى.

"El Tiregi پارتياسىنان رەسمي تۇردە كەتتىم.
ءۇش اي بۇرىن وسىنداي شەشىم قابىلداعانىمدى جاسىرماي جاريالايمىن. بۇنىڭ ساياسي، ماتەريالدىق استارى جوق.
مەملەكەتتىڭ، قوعامنىڭ تۇراقتى دامۋىنا مەن دە ءبىر كىسىدەي مۇددەلىمىن.
بۇدان بىلاي الەۋمەتتىك جوبالارمەن شۇعىلدانامىن. قوعامنىڭ تۇراقتىلىعىن نىعايتۋعا قاتىستى يدەيالاردى ىسكە اسىرامىن.
ەسكەرتۋ: وسىلايشا، وتباسىمنىڭ، اعايىن-تۋىسىمنىڭ تىلەگىن ورىندادىم. ماعان ەڭ قىمبات ادامدار.
الداعى كۇندەرى تانىمال يۋتۋبەرلەردىڭ بىرىنە كولەمدى سۇحبات بەرەمىن. سول جەردە بارلىعىن اشىق، اشىپ ايتامىن.
ساياسي تاڭداۋىم وزگەرۋى دە عاجاپ ەمەس)))
ەڭ باستىسى، مەملەكەتتىڭ ەۆوليۋتسيالىق جولمەن دامۋىنا جان-جاقتى كۇش سالامىن.
قۇر ايقايمەن ءىس ونبەيدى. قازاقستاندا وپپوزيتسيا بار ما؟ دەگەن سۇراقتان باسقاسىنىڭ بارىنە جاۋاپ بەرۋگە دايىنمىن", دەپ جازدى ول ءوزىنىڭ فەيسبۋك پاراقشاسىنا.

Abai.kz