Қалалық санитарлық-эпидемиологиялық бақылау департаментінің бастығы Жандарбек Бекшин Мемлекет басшысының оқушылардың офлайн режимінде оқуы керек деген тапсырмасын орындау бағытында атқарылып жатқан жұмыстар туралы айтты. 

Бекшиннің сөзінше, Ashyq жобасы мегаполистің барлық мектептеріне енгізіліп жатыр. Бұл жұқтырған КВИ немесе КВИ-мен ауыратын науқастармен байланыста болғандардың оқу орындарына кіруіне жол бермеу үшін жасалады. Бүгінгі күні, “Атамекен” палатасының мәліметі бойынша, мектептер мен мектепке дейінгі мекемелердің 100% QR код алды және 1 қыркүйектен бастап Ашық қосымшасы жағдайында жұмыс жасауға дайын.

Екінші қорғаныс желісі – оқушылар жиналатын жерлерде – асханаларда, жуынатын бөлмелерде рециркуляторларды енгізу. Біз бұл мәселені мектеп әкімшілігімен қарастырып жатырмыз және оны ата -аналар комитетімен талқылайтын боламыз.

Үшінші жол – сыныптарда ауаны тазартатын зарарсыздандыру құралдарын орнатуға болады. Бұл – жапондық инновациялық құрылғылар.

Олар Қазақстанға алдырылды. Зарарсыздандыру құралы Денсаулық сақтау министрлігінің Санитарлық-эпидемиологиялық бақылау комитетімен сертификатталған, сыналған және тіркелген. Егер бұл бағдарлама бекітілсе, біз оны жүзеге асырамыз, – деді Алматы қаласының бас санитарлық дәрігері.

Ол өз ведомства жұмысы қалада оқушылардың қауіпсіз білім алуын қамтамасыз етуге ерекше басымдық беретінін атап өтті.

Біз балаларымыздың қауіпсіз ортада оқуын қамтамасыз ету үшін мұқият дайындалып жатырмыз. Біз оларды биыл офлайн режимде білім алуын қамтамасыз етуіміз керек. Бір жылдан бері балалар қашықтан оқып жатыр, бұл, әрине, білім сапасына әсер етеді, – деп қосты Бекшин.

Студенттердің жайына келетін болсақ, Алматы қалалық СЭБД басшысы қаланың жоғары оқу орындары мен колледждерінде ұстаздар қауымын вакциналау жоғары деңгейде өтетінін баса айтты.

Сонымен қатар жоғары және орта арнаулы оқу орындарына Ashyq жүйесін енгізу туралы мәселе көтеріледі. Бекшин студенттер арасында вакцинация бойынша түсіндіру жұмыстары жүргізіліп жатқанын атап өтті.

Студенттер де онлайн оқудан шаршады. Бірақ оларды толықтай қамтамасыз ету үшін барлық талаптарды орындап, мектептерде ғана емес, қаланың колледждері мен жоғары оқу орындарында да қауіпсіз оқуға жағдай жасау қажет, – деді Алматы қаласының бас санитарлық дәрігері.

Abai.kz