Әрбір 2-3 жыл сайын қырық құбылып келе жатқан «Халықты Тұрғын үймен қамту» бағдарламасы басқа қалаларды айтпағанда, Астанада қызық жайтқа толы. Оны әлдеқандай етіп, «қолжетімді» (бұрын бала жетім болса, енді кедейлердің қолына дейін жетім дегенді аңғартса керек) деген қолапайсыз терминмен аталатыны өз алдына, бұдан 1-2 жыл бұрын мемлекеттік тізімге аман-есен ілігіп, «Тұрғын үй-құрылыс» банкінің илеуінен өткен біршама астаналықтардың қолдары «жетім» болғасын ба, әлгі заңды пәтерді алу мәселесі беймәлім болып отыр. Жергілікті билік сайтында қыздың жиған жүгіндей болып тұрған тізім өлі тыныштыққа ұласқан - жұрт тышқақтаған лақтың нәжісіндей күйдегі пәтер алу мәселесін іштен тына, тыжырына күткеніне бірнеше айлар, тіпті жылдар болды.

Кейбіреулері, тіпті, берешек ақшасын төлеп, пәтерін алдын ала сатып алса да, кілтін ала алмауда. Себебі, белгісіз. Сол тұрғындардың айтуынша, Тұрғын үй салынып біткен, құрылысшылар тапсырған, бірақ коммуналдық жағы дайын емес, айналасы алқам-салқам күйде, қысқасы нысан мемлекеттік қабылдаудан өтпеген, бірақ жұртты тыныштандыру үшін қолдарына кілттің орнына қағаз ұстата тұру тактикасы орныққан.

Несін айта берейік, қысқасы, ауызды қу шөппен сүртпесек те, қауесетпен ғана сүртіп жүре беруге әбден болады.

"Абай-ақпарат"

Әрбір 2-3 жыл сайын қырық құбылып келе жатқан «Халықты Тұрғын үймен қамту» бағдарламасы басқа қалаларды айтпағанда, Астанада қызық жайтқа толы. Оны әлдеқандай етіп, «қолжетімді» (бұрын бала жетім болса, енді кедейлердің қолына дейін жетім дегенді аңғартса керек) деген қолапайсыз терминмен аталатыны өз алдына, бұдан 1-2 жыл бұрын мемлекеттік тізімге аман-есен ілігіп, «Тұрғын үй-құрылыс» банкінің илеуінен өткен біршама астаналықтардың қолдары «жетім» болғасын ба, әлгі заңды пәтерді алу мәселесі беймәлім болып отыр. Жергілікті билік сайтында қыздың жиған жүгіндей болып тұрған тізім өлі тыныштыққа ұласқан - жұрт тышқақтаған лақтың нәжісіндей күйдегі пәтер алу мәселесін іштен тына, тыжырына күткеніне бірнеше айлар, тіпті жылдар болды.

Кейбіреулері, тіпті, берешек ақшасын төлеп, пәтерін алдын ала сатып алса да, кілтін ала алмауда. Себебі, белгісіз. Сол тұрғындардың айтуынша, Тұрғын үй салынып біткен, құрылысшылар тапсырған, бірақ коммуналдық жағы дайын емес, айналасы алқам-салқам күйде, қысқасы нысан мемлекеттік қабылдаудан өтпеген, бірақ жұртты тыныштандыру үшін қолдарына кілттің орнына қағаз ұстата тұру тактикасы орныққан.

Несін айта берейік, қысқасы, ауызды қу шөппен сүртпесек те, қауесетпен ғана сүртіп жүре беруге әбден болады.

"Абай-ақпарат"