"Заң бойынша Қазақстанда бір ғана мемлекеттік тіл бар, бірақ біздің заңнамаға сәйкес, орыс тілінің қолданылуына кедергі келтіруге болмайды" деді Қазақстан Президенті Қасым-Жомарт Тоқаев ел халқына Жолдауында.

Президенттің айтуынша, барлық азаматтар этносаралық және конфессияаралық қатынастардың қаншалықты маңызды екенін түсінуі керек. Сондықтан Қазақстанда адамды тілі, ұлты, нәсілі бойынша қорлауға, бөтеннің намысына нұқсан келтіруге жол берілмейді.

"Біз заң бойынша жауапқа тартамыз. Конституцияға қарсы мұндай жауапсыз қадамдар елдің негізгі мүдделеріне нұқсан келтіреді. Қазақ тілін дамыту мемлекеттік саясаттың басым бағыттарының бірі болып қала береді. Бұл салада нәтиже бар. Жалпы, мемлекеттік тілдің қолданылу аясы кеңейіп келеді. Бұл табиғи құбылыс, сондықтан қазақ тілінің өрісі шектеулі деп айтуға негіз жоқ. Заң бойынша Қазақстанда бір ғана мемлекеттік тіл бар. Орыс тілі ресми тіл мәртебесіне ие. Оны қолдануға біздің заңнамаға сәйкес кедергі келтіруге болмайды", - деп қорытындылады Тоқаев.

Abai.kz