"زاڭ بويىنشا قازاقستاندا ءبىر عانا مەملەكەتتىك ءتىل بار، بىراق ءبىزدىڭ زاڭناماعا سايكەس، ورىس ءتىلىنىڭ قولدانىلۋىنا كەدەرگى كەلتىرۋگە بولمايدى" دەدى قازاقستان پرەزيدەنتى قاسىم-جومارت توقاەۆ ەل حالقىنا جولداۋىندا.

پرەزيدەنتتىڭ ايتۋىنشا، بارلىق ازاماتتار ەتنوسارالىق جانە كونفەسسياارالىق قاتىناستاردىڭ قانشالىقتى ماڭىزدى ەكەنىن ءتۇسىنۋى كەرەك. سوندىقتان قازاقستاندا ادامدى ءتىلى، ۇلتى، ءناسىلى بويىنشا قورلاۋعا، بوتەننىڭ نامىسىنا نۇقسان كەلتىرۋگە جول بەرىلمەيدى.

ء"بىز زاڭ بويىنشا جاۋاپقا تارتامىز. كونستيتۋتسياعا قارسى مۇنداي جاۋاپسىز قادامدار ەلدىڭ نەگىزگى مۇددەلەرىنە نۇقسان كەلتىرەدى. قازاق ءتىلىن دامىتۋ مەملەكەتتىك ساياساتتىڭ باسىم باعىتتارىنىڭ ءبىرى بولىپ قالا بەرەدى. بۇل سالادا ناتيجە بار. جالپى، مەملەكەتتىك ءتىلدىڭ قولدانىلۋ اياسى كەڭەيىپ كەلەدى. بۇل تابيعي قۇبىلىس، سوندىقتان قازاق ءتىلىنىڭ ءورىسى شەكتەۋلى دەپ ايتۋعا نەگىز جوق. زاڭ بويىنشا قازاقستاندا ءبىر عانا مەملەكەتتىك ءتىل بار. ورىس ءتىلى رەسمي ءتىل مارتەبەسىنە يە. ونى قولدانۋعا ءبىزدىڭ زاڭناماعا سايكەس كەدەرگى كەلتىرۋگە بولمايدى", - دەپ قورىتىندىلادى توقاەۆ.

Abai.kz