Еліміздің барлық аймағында ет бағасы қымбаттады. Маңғыстау және Шымкентте – жыл басынан бастап бірден 14% -ға өскен. Қазір сиыр етінің келісі 3 мың теңгеге жетті. Бұл туралы Аrasha.kzке сілтеме жасап Abai.kz хабарлайды. 

Базарда ет орындарының бос тұрғаны таңқалдырады. Сатушылар Шымкент базарларында сауданың болмай тұрғанына бірнеше апта болғанын айтады. Мүмкін бұған бағаның өсімі әсер еткен болуы мүмкін дейді олар. Бұл туралы 31 арна хабарлады.

«Energyprom» сарапшыларының мәліметінше, ет бағасы бүкіл республика бойынша көтерілген, бірақ бәрінен бұрын Маңғыстау мен Шымкентте – бірден 14% -ға өскені байқалған. Түркістан облысында бағаның өсуі 12,7% болды.

Оңтүстік мегаполисіндегі ең арзан ет – шошқа еті – келісіне 1800 теңге, ол жыл басынан бері небәрі 100 теңгеге қымбаттаған. Ал қой етінің бағасы әлдеқайда түскен. Егер ол бұрын ең қымбат ет саналса, қазір оның келісі 2400 -ден сатылып жатқанын айтады.

Сатушылардың айтуынша қой еттері толып тұр, бірақ сатып алушылар жоқ. Олар мұны білім күнінің келуімен тұрғындарда балаларынан артылған ақша жоқ екендігімен байланыстырады.

Шаруалардың айтуынша биылғы бағаның өсімі жем-шөптің қымбаттауына тікелей байланысты. Орташа алғанда, олардың құны 60-70 пайызға, ал сабан 500 пайызға дейін қымбаттаған. Осыған байланысты мал басы да көбейтілмеген.

Орташа алғанда, нарықтық бағамен ҚҚС қосылған сүйегі бар ет Шымкентте келісіне 2 350 теңгеден сатылады. Алайда, шымкенттік шенеуніктер тәуелсіз статистика шамалы асыра сілтеп жіберген, ет бағасы жыл басынан бері 14% емес, 11% қымбаттады деп санайды.

«Қаланың үш супермаркеттерінде тауарлар, оның ішінде ет, белгіленген шекті бағадан 10% -ға арзан сатылады. Сонымен қатар, жергілікті екі ет өндірушімен келісімшарт жасалған, олар да етті арзандатылған бағамен сатуда» ,- дейді Шымкент қаласы ауыл шаруашылығы және ветеринария бөлімінің бастығы Қайрат Базарбеков.

Алайда бүкіл қала тұрғындары жоғарыда айтылған үш супермаркетке ғана барып жүрмейді. Еттен үміт үзген халық тауық етіне алғысы келеді, алайда оның бағасы да баяу бірақ сенімді түрде өсіп келеді.

Abai.kz