ەلىمىزدە ەت باعاسى شارىقتاپ كەتتى
ەلىمىزدىڭ بارلىق ايماعىندا ەت باعاسى قىمباتتادى. ماڭعىستاۋ جانە شىمكەنتتە – جىل باسىنان باستاپ بىردەن 14% -عا وسكەن. قازىر سيىر ەتىنىڭ كەلىسى 3 مىڭ تەڭگەگە جەتتى. بۇل تۋرالى اrasha.kzكە سىلتەمە جاساپ Abai.kz حابارلايدى.
بازاردا ەت ورىندارىنىڭ بوس تۇرعانى تاڭقالدىرادى. ساتۋشىلار شىمكەنت بازارلارىندا ساۋدانىڭ بولماي تۇرعانىنا بىرنەشە اپتا بولعانىن ايتادى. مۇمكىن بۇعان باعانىڭ ءوسىمى اسەر ەتكەن بولۋى مۇمكىن دەيدى ولار. بۇل تۋرالى 31 ارنا حابارلادى.
«Energyprom» ساراپشىلارىنىڭ مالىمەتىنشە، ەت باعاسى بۇكىل رەسپۋبليكا بويىنشا كوتەرىلگەن، بىراق بارىنەن بۇرىن ماڭعىستاۋ مەن شىمكەنتتە – بىردەن 14% -عا وسكەنى بايقالعان. تۇركىستان وبلىسىندا باعانىڭ ءوسۋى 12,7% بولدى.
وڭتۇستىك مەگاپوليسىندەگى ەڭ ارزان ەت – شوشقا ەتى – كەلىسىنە 1800 تەڭگە، ول جىل باسىنان بەرى نەبارى 100 تەڭگەگە قىمباتتاعان. ال قوي ەتىنىڭ باعاسى الدەقايدا تۇسكەن. ەگەر ول بۇرىن ەڭ قىمبات ەت سانالسا، قازىر ونىڭ كەلىسى 2400 -دەن ساتىلىپ جاتقانىن ايتادى.
ساتۋشىلاردىڭ ايتۋىنشا قوي ەتتەرى تولىپ تۇر، بىراق ساتىپ الۋشىلار جوق. ولار مۇنى ءبىلىم كۇنىنىڭ كەلۋىمەن تۇرعىنداردا بالالارىنان ارتىلعان اقشا جوق ەكەندىگىمەن بايلانىستىرادى.
شارۋالاردىڭ ايتۋىنشا بيىلعى باعانىڭ ءوسىمى جەم-ءشوپتىڭ قىمباتتاۋىنا تىكەلەي بايلانىستى. ورتاشا العاندا، ولاردىڭ قۇنى 60-70 پايىزعا، ال سابان 500 پايىزعا دەيىن قىمباتتاعان. وسىعان بايلانىستى مال باسى دا كوبەيتىلمەگەن.
ورتاشا العاندا، نارىقتىق باعامەن ققس قوسىلعان سۇيەگى بار ەت شىمكەنتتە كەلىسىنە 2 350 تەڭگەدەن ساتىلادى. الايدا، شىمكەنتتىك شەنەۋنىكتەر تاۋەلسىز ستاتيستيكا شامالى اسىرا سىلتەپ جىبەرگەن، ەت باعاسى جىل باسىنان بەرى 14% ەمەس، 11% قىمباتتادى دەپ سانايدى.
«قالانىڭ ءۇش سۋپەرماركەتتەرىندە تاۋارلار، ونىڭ ىشىندە ەت، بەلگىلەنگەن شەكتى باعادان 10% -عا ارزان ساتىلادى. سونىمەن قاتار، جەرگىلىكتى ەكى ەت وندىرۋشىمەن كەلىسىمشارت جاسالعان، ولار دا ەتتى ارزانداتىلعان باعامەن ساتۋدا» ،- دەيدى شىمكەنت قالاسى اۋىل شارۋاشىلىعى جانە ۆەتەريناريا ءبولىمىنىڭ باستىعى قايرات بازاربەكوۆ.
الايدا بۇكىل قالا تۇرعىندارى جوعارىدا ايتىلعان ءۇش سۋپەرماركەتكە عانا بارىپ جۇرمەيدى. ەتتەن ءۇمىت ۇزگەن حالىق تاۋىق ەتىنە العىسى كەلەدى، الايدا ونىڭ باعاسى دا باياۋ بىراق سەنىمدى تۇردە ءوسىپ كەلەدى.
Abai.kz
