Ресей Түркия президенті Режеп Тайып Ердоғанға сыйға тартылған "Түркі әлемі" картасына қатысты пікір білдірді. 

"Біздің түрік әріптестеріміз түркі бірлігі идеясын ұстанады, бұл қалыпты жағдай. Алайда, мен өкінетін жалғыз-ақ нәрсе картада түркі әлемінің орталығында үлкен қызыл жұлдыз жоқ",-деді РФ президентінің баспасөз хатшысы Дмитрий Песков журналист Павел Зарубинге берген сұхбатында.

Песков сонымен қатар түркі әлемінің орталығы Ресейде екенін атап өтті.

"Ол (орталық) Түркияда емес, Ресей Федерациясының аумағында, Алтайда, кез келген түрік шыққан сол киелі мекенде. Мұны мен түркітанушы ретінде айтып отырмын", - деп мәлімдеді Песков.

Abai.kz