ҰҚК Алматы департаментінің бұрынғы басшысы тергеуге алынды
Ұлттық қауіпсіздік комитеті Алматы департаментінің бұрынғы басшысы Нұрлан Мәжілов тергеуге алынды.
Мәжіловтен басқа, ҰҚК 5-ші департаментінің бұрынғы жетекшісі Руслан Ысқақовқа қатысты да тергеу жүріп жатыр. Бұл туралы Спутник порталына Бас прокуратура хабарлаған.
Алматыда "қанды қаңтар" оқиғасы басталған кезде ҰҚК Алматы департаментін осы Мәжілов басқарған. Бас прокуратура оқиға басталған кезде ҰҚК департаментінің басшылығы әрекетсіз отырды дейді. Осылайша, Мәжілов қаңтардың ортасында жұмысынан босаған болатын.
Abai.kz
