Тоқаев "Nur Otan" партиясының кезектен тыс съезін шақырды
Президент Қасым-Жомарт Тоқаев Nur Otan партиясының кезектен тыс XXII съезін шақырды. Бұл туралы Nur Otan партиясының атқарушы хатшысы мәлімдеді.
"Бүгін Nur Otan партиясының төрағасы Қасым-Жомарт Тоқаев 1 наурызда кезектен тыс XXII съезді шақыру туралы шешім қабылдады. Оған барлық облыстардан делегаттар қатысады. Орталық аппарат филиалдармен бірлесіп дайындық шараларына кірісті", - деді атқарушы хатшы.
Съезд барысында партия жұмысын одан әрі жаңғыртудың басым бағыттары талқыланады.
Abai.kz
